Шасивари – Солстром: Продолжува партнерството со Шведска во реформите и европската интеграција

Министерот за правда Јетон Шасивари и амбасадорот на Кралството Шведска во Северна Македонија, Ола Солстром, разговарале за продлабочување на соработката во реформите на правосудството, владеењето на правото и процесот на европска интеграција.

— реклама —

Шасивари изразил благодарност за континуираната поддршка од Шведска, особено преку Канцеларијата на Обединетите нации за проектни услуги (UNOPS) и ангажманот на експерти, кои придонесуваат за зајакнување на институционалните капацитети и усогласување на законодавството со европските стандарди.

— реклама —

„Шведска е наш значаен партнер во процесот на реформи. Верувам дека преку експертиза, размена на искуства и конкретна поддршка можеме уште посилно да ги унапредиме институциите и да испорачаме подобри услуги за граѓаните“, истакнал Шасивари.

На средбата биле разгледани тековните реформи поврзани со Кластер 1 – Фундаментални вредности, како и обврските од Реформската агенда во областа на владеењето на правото.

— реклама —

Разговарано било и за можностите за нови заеднички иницијативи во дигитализацијата на правосудството, подобрувањето на пристапот до правда, заштитата на човековите права, како и борбата против корупцијата и организираниот криминал.

На средбата било констатирано дека меѓународната правна помош меѓу двете земји се одвива непречено и дека нема отворени прашања кои би ја попречувале соработката.