Шпанските власти започнаа со преместување на мигрантите од плажата Ел Трампулин во Сеута во прифатни центри обезбедени од државата, во рамки на операција во која учествуваат Националната полиција и Цивилната гарда.
Владата на Шпанија подготви два објекта со капацитет за сместување на околу 1.800 лица, а во план е дополнително зголемување на бројот на достапни места.
Меѓу првите што ќе бидат преместени се мигрантите што моментално престојуваат на плажата Ел Трампулин и во областа Лома Колменар, објави „Паис“.
Шпанското Министерство за инклузија соопшти дека трансферот се спроведува доброволно, во координација со безбедносните служби и Владата на Сеута.
Во меѓувреме, претседателот на регионалната влада на Андалузија, Хуан Мануел Морено, најави дека денеска ќе пристигне во Сеута.
