„Штетата за Државната лотарија со своето толкување ја прават МВР и ЈО“, вели професорот Калајџиев за случајот за Груби

Професорот на Правниот факултет, Гордан Калајџиев, смета дека случајот поврзан со набавката на апарати за Државната лотарија не треба да се третира како кривичен спор и дека постапувањето на институциите може да ѝ нанесе штета токму на државната компанија.

Калајџиев во својата оценка посочува дека МВР и Јавното обвинителство, со начинот на кој го толкуваат случајот и набавката на апаратите, можат да предизвикаат штета за Државната лотарија.

— реклама —

Според него, постапките за кои се товарат обвинетите всушност биле насочени кон обезбедување предност за државата во однос на австриската страна.

— реклама —

„Мене ми личи дека штетата за Државната лотарија за купените апарати со своето толкување ја прават МВР и ЈО“, наведува Калајџиев.

Тој оценува дека обвинетите, напротив, сакале да ѝ обезбедат предност на државата пред Австријците, што, според него, е во согласност со логиката на Законот за игрите на среќа.

— реклама —

„Обвинетите напротив сакале на државата да ѝ обезбедат предност пред Австријците, што е впрочем во духот на Законот за игри на среќа според кој државата е алфа и омега“, посочува професорот.

Калајџиев смета дека суштината на спорот не е од кривично-правен карактер. Тој изразува и став дека постапката можеби има поширока политичка заднина.

„Целиот спор инаку не е кривичен и веројатно служи да му се скине главата на Груби“, оценува Калајџиев.