Критика од Калајџиев за Маричиќ и СДСМ: Ако вредеа, немаше вака да завршат

Професорот по кривично право Гордан Калајџиев со остра критика се огласи по изборот на Бојан Маричиќ за претседател на Државната изборна комисија, оценувајќи дека Социјалдемократскиот сојуз на Македонија со ваквите потези „си пука во нога“.

— реклама —

„СДСМ си пука во нога; ако Бојан Маричиќ и сличните нешто вредеа, немаше да завршат вака!“, порачува Калајџиев.

— реклама —

— реклама —

Изборот на Маричиќ за претседател на ДИК следи по неговата активна политичка кариера во рамки на СДСМ. Тој беше еден од клучните луѓе во периодот по 2017 година, прво како советник за евроатлански интеграции на тогашниот премиер Зоран Заев, а потоа и како главен технички преговарач со Европската Унија. Во 2023 година стана и министер за правда, функција која ја напушти по промената на власта и изборниот пораз на СДСМ.

— реклама —

Маричиќ важеше за еден од најлојалните и најекспонираните кадри на поранешното партиско раководство, особено во процесите поврзани со Преспанскиот договор и евроинтеграциите, кои денес се предмет на силни политички поделби во јавноста.