Штип повторно добива вода: Стабилизиран приемот од „Злетовица“

По стабилизирањето на состојбата со сировата вода од Хидросистемот „Злетовица“, жителите на Штип повторно ќе добиваат вода за пиење.

— реклама —

Од ЈП „Исар“ информираат дека приемот на сировата вода од ХС „Злетовица“ е стабилизиран, по што се создадени услови за продолжување на водоснабдувањето.

— реклама —

— реклама —

„Ве известуваме дека во текот на вечерните и раните утрински часови Филтер-станицата на ЈП „Исар“ ќе продолжи со водоснабдување на домаќинствата“, соопштија од претпријатието.

Претходно, ЈП „Исар“ информираше дека преработката на сировата вода била прекината поради екстремно зголемена матност, предизвикана од елементарната непогода во пробиштипскиот регион.