Силен мирис на запалено во Гостивар, Ангелов: Не гори Русино, ниту дивата депонија во Чегране

Во Гостивар од ноќеска се чувствува силен мирис на запалено, по што „Скопје1“ побара информација од директорот на Дирекцијата за заштита и спасување, Стојанче Ангелов, дали има пожар или согорување на отпад на депонијата Русино и дали постои ризик за граѓаните.

— реклама —

Ангелов одговори дека изминативе денови немало пожар ниту на депонијата Русино, ниту на дивата депонија во селото Чегране.

„Изминативе денови не горело на депонијата Русино, ниту на дивата депонија во с. Чегране“, изјави Ангелов.

— реклама —

Тој посочи дека на 18 август горела дива депонија во селото Неготино.

— реклама —

Според неговите информации, Територијалната противпожарна единица интервенирала со едно возило и двајца пожарникари. Гаснењето почнало во 15:30 часот, а било завршено околу 16 часот.

Од одговорот на ДЗС засега не може да се утврди од што потекнува мирисот на запалено што се чувствува во Гостивар, ниту дали има друго активно жариште во поширокиот регион.

Ангелов најави дека напладне ќе бидат соопштени повеќе детали за најкритичните пожари во државата.