Земјотрес со јачина од 5,3 степени според Рихтеровата скала денеска го погоди Авганистан, соопшти Европско-медитеранскиот сеизмолошки центар (EMSC).
Според објавените информации, епицентарот на земјотресот бил на длабочина од 190 километри, на околу 176 километри од градот Кундуз.
Потресот бил почувствуван и надвор од границите на Авганистан. Според сведоштва објавени на интернет-страницата на EMSC, земјотресот го почувствувале и жители на Пакистан и Индија.
Засега нема информации за евентуални жртви или причинета материјална штета.
