Се урна рудник за злато во Авганистан, загинаа најмалку пет рудари

Најмалку пет рудари загинаа при уривање на рудник за злато во северната авганистанска провинција Такхар, соопштија локалните власти.

— реклама —

Рудникот се наоѓа во областа Шах Мастан, во округот Чах Аб, изјави портпаролот на полициската команда во Такхар, Кари Накибулах Масрур.

— реклама —

— реклама —

Масрур соопшти и дека на почетокот на неделава биле спасени 10 рудари, кои претходно два дена биле заробени во друг рудник за злато во областа Самти, исто така во округот Чах Аб. Засега не се познати околностите поради кои рударите останале заробени.

— реклама —

Уривањата на рудници се чести во Авганистан, земја богата со минерални ресурси како железо, бакар, олово, цинк и злато, но и со јаглен и скапоцени камења.