Силен земјотрес со магнитуда од 7 степени го погоди Тибет, автономен регион во западниот дел на Кина. Засега нема потврдени информации за загинати, повредени или причинета материјална штета, јавува АП.
Според податоците на Американскиот геолошки завод (USGS), земјотресот се случил во 22:33 часот по локално време. Епицентарот бил на околу 190 километри источно-североисточно од градот Нагчу, во ретко населено планинско подрачје во северниот дел на Тибет.
![]([{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9362YEBRCB1FZM7W2K91B.gif","chance":50,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z937P7C633CS99SP77A7TT.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9399AWTQYS76JTASHNB6Z.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93AQ8NFSC3JGHXF78CANS.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93C62E7Z98JRQG22HQ1ZQ.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93DN7FVZHTTP5AWCCK8DP.gif","chance":10,"url":"https://www.loto.mk"}])
Кинеската државна новинска агенција Синхуа, повикувајќи се на кинескиот сеизмолошки центар, објави дека земјотресот се случил на длабочина од 10 километри. Американскиот геолошки завод во првичните податоци навел длабочина од 18 километри, но поновите сеизмолошки податоци укажуваат на 10 километри.
Погоденото подрачје се наоѓа на голема надморска височина, а според кинеските податоци, епицентарот бил оддалечен околу 400 километри од Ласа, главниот град на Тибет.
