Сиљановска-Давкова ги додели наградите на победниците на 39. Охридски пливачки маратон

Претседателката Гордана Сиљановска-Давкова денес им ги додели наградите на најдобрите пливачи на 39. Охридски пливачки маратон, кој се одржа на патеката „Климе Савин“ од Свети Наум до Охрид.

— реклама —

Во женска конкуренција триумфираше аргентинската пливачка Мајте Ален Пука, која го освои и ловоровиот венец, додека во машка конкуренција првото место му припадна на Италијанецот Алесио Окипинти.

— реклама —

Особено успешен настап имаше 17-годишниот македонски пливач Петар Цеков, кој стигна трет до целта и го освои бронзениот медал.

— реклама —

Сиљановска-Давкова, која е покровителка на маратонот, им честиташе на победниците и на сите учесници, истакнувајќи ја нивната издржливост, посветеност и спортски дух и посакувајќи им нови спортски успеси.

— реклама —

На годинашното издание на маратонот, на 25-километарската патека од Свети Наум до Охридското пристаниште, учествуваа 16 пливачи од осум држави – 11 во машка и пет во женска конкуренција. Меѓу нив беа и четворица македонски натпреварувачи.