Сиљановска-Давкова разговараше со претседателот на Литванија, претседавач со ЕУ од јануари 2027

Претстојното литванско претседавање со Советот на Европската Унија и европската интеграција на Македонија беа меѓу главните теми на средбата меѓу претседателката Гордана Сиљановска-Давкова и литванскиот претседател Гитанас Науседа, одржана на маргините на Парискиот мировен форум 2026.

— реклама —

Сиљановска-Давкова го поздрави отворањето на првата резидентна македонска амбасада во Вилнус и изрази очекување за продлабочување на политичката, економската и институционалната соработка меѓу двете земји.

— реклама —

— реклама —

Во разговорот биле разменети мислења за проширувањето на ЕУ и состојбите во Западен Балкан. Соговорниците се согласиле дека реформите и Копенхашките критериуми треба да бидат клучни за членството, а билатералните прашања да не претставуваат пречка во процесот.

— реклама —

Претседателката ги посочила чекорите што ги презема Македонија на европскиот пат, како и предизвиците со кои се соочува од добивањето на кандидатскиот статус во 2005 година. Таа нагласила дека земјата продолжува да се залага за конструктивен дијалог со Бугарија, но дека за напредок е потребна добра волја од двете страни.