(Видео) Силно невреме ја погоди Струмица: Ѕид се урна врз паркирани автомобили, откорнати дрвја и оштетени покриви

Силно невреме попладнево ја зафати Струмица, проследено со пороен дожд и налети на силен ветер, при што се предизвикани материјални штети на повеќе локации во градот.

— реклама —

Меѓу најсериозните последици е уривањето на ѕид врз паркирани автомобили, при што повеќе возила се оштетени, а причинета е голема материјална штета.

Според објавите на жители на социјалните мрежи, силниот ветер корнел дрвја низ градот, а на одредени места биле оштетени и покриви.

— реклама —

— реклама —

По невремето, екипи на ТППЕ Струмица излегоа на терен и интервенираат на повеќе критични точки, меѓу другото и на места каде што навлегла вода во простории и објекти. Пожарникарите со пумпи ја испумпуваат водата и им помагаат на граѓаните.

— реклама —

Според УХМР, нестабилно време со пороен дожд, грмежи, засилен ветер и можна појава на град локално се очекува и во други делови од државата во текот на вечерта.