Синдикатите во Србија бараат укинување на реалните шоуа: „Веднаш да се затвори фабриката за човечко понижување“

Здружените синдикати на Србија „Слога“ денеска побараа Регулаторното тело за електронски медиуми (РЕМ) итно да покрене „постапка за запирање на емитувањето на реалните шоуа кои се засноваат на насилство, понижување и најпримитивни облици на човеково однесување“.

— реклама —

Тие исто така бараат да се испита и одговорноста на радиодифузерите и сопствениците за долгогодишното пласирање на вакви содржини, бидејќи националната фреквенција не е приватна играчка и не може да биде средство за остварување профит без никаква одговорност кон граѓаните.

— реклама —

— реклама —

„Веднаш да се затвори фабриката за човечко понижување во Шимановци. Го осудуваме најавувањето на сопственикот на Pink Media Group, Жељко Митровиќ, дека во својот деловен систем ќе отпушти околу 1.000 луѓе, откако претходно веќе 150 вработени останаа без работа во Театарот Одеон“, соопштија од „Слога“.

Како што наведуваат од синдикатот, „поражувачки е што Митровиќ решението за своите деловни проблеми го бара во отпуштање работници, наместо да се откаже од телевизискиот концепт со кој со години го труе и заглупува народот“.