Синер беше на четиричасовен лекарски преглед пред заминувањето во САД

Најдобриот светски тенисер, Јаник Синер, денеска во Милано мина четиричасовен лекарски преглед пред заминувањето на американската турнеја, објави „Газета дело Спорт“.

— реклама —

Италијанецот пристигнал во клиниката „Физиоклиник“ во 8 часот наутро, каде што прегледите ги извршил доктор Волпи, поранешен лекар на Интер. Со Синер биле и четворица членови од неговиот стручен штаб.

— реклама —

Според италијанските медиуми, прегледот најверојатно бил поврзан со помали проблеми на десното колено. Минатата недела Синер бил фотографиран со фластер на коленото, но засега нема индикации за посериозна повреда.

— реклама —

Станува збор за превентивни прегледи кои се дел од редовната грижа за физичката подготвеност на првиот светски рекет.

Синер во недела треба да отпатува во Соединетите Американски Држави, каде што прво ќе настапи на Мастерсот во Синсинати, а потоа ќе го брани трофејот на УС Опен.