Синер од модна ревија директно во болница: Можно е да биде потребна и операција

Италијанскиот тенисер Јаник Синер продолжува со рехабилитацијата по повредата на десното колено, поради која е надвор од терените од Вимблдон, а неговото враќање на турнирите сè уште е неизвесно.

— реклама —

Првиот тенисер на светот во саботата присуствувал на модната ревија на „Гучи“ во Милано, по што директно заминал на клиниката „Ла Мадонина“ за дополнителни прегледи на повреденото колено.

— реклама —

Синер се обидува проблемот да го надмине со одмор, физиотерапија и интензивна работа на мускулатурата на колковите и глутеусот. Целта е да се намалат болките и да се овозможи што побрзо враќање на теренот.

Сепак, доколку конзервативниот пристап не даде резултати, како можност не е исклучена ниту хируршка интервенција. Според информациите, тоа би било крајно сценарио и шансите за таков развој се сметаат за мали, но можноста постои.

— реклама —

Синер најверојатно ќе го откаже и настапот на мастерс-турнирот во Шангај, кој треба да се одржи од 7 до 18 октомври.