Здравствената состојба на Ратко Младиќ дополнително се влошила во последните неколку дена, изјави неговиот син Дарко Младиќ.
Според неговите зборови, при последната посета во петокот, кога Младиќ го посетиле негови поранешни соборци, тој не бил во состојба ниту да зборува.
„Останатите параметри и неговата општа физичка состојба и натаму се исклучително тешки и нема позитивни промени“, изјавил Дарко Младиќ.
Семејството наведува дека здравствената состојба на поранешниот командант веќе подолг период е критична. Воедно, неговите најблиски и правниот тим повторно тврдат дека условите за лекување во притворската единица во Хаг не се соодветни и бараат тој итно да биде префрлен во установа каде што ќе добие соодветен медицински третман.
