Холандскиот репрезентативец Тијани Рајндерс би можел да го напушти Манчестер Сити по само една сезона, пренесува „Дејли мејл“.
Играчот од средниот ред минатото лето пристигна од Милан за 55 милиони евра како замена за Кевин де Брујне, но не успеа целосно да ги оправда очекувањата во тимот на Пеп Гвардиола.
Според информациите, сериозен интерес за негов ангажман покажува Нотингем Форест. Клубот неодамна заработи 135 милиони евра од продажбата на Елиот Андерсон во Манчестер Сити, а сега би можел да инвестира дел од тие средства за доведување на Рајндерс.
Во својата прва сезона во дресот на Сити, 28-годишниот Холанѓанец одигра 50 натпревари, постигна седум гола и забележа осум асистенции. За споредба, во последната сезона со Милан постигна 15 погодоци во сите натпреварувања.
Рајндерс досега има 35 настапи и седум гола за репрезентацијата на Холандија.
