Слаткар, Рита Ора, Махмут Орхан, Беквалац... ова се концертите закажани за летово, над 20 музички имиња во Охрид

Охрид ова лето ќе биде една од најголемите концертни сцени во регионот. Во период од втората половина на јули до крајот на август се најавени повеќе од 15 концерти на домашни, регионални и светски музички имиња, кои ќе настапуваат на Античкиот театар, стадионот „Билјанини Извори“ и Долни Сарај.

Концертната сезона започнува на 24 јули со настапот на „Силви бенд“ во Долни Сарај.

Веќе следниот ден, на 25 јули, се одржуваат два големи концерта – Петар Грашо ќе настапи на Античкиот театар, додека турската ѕвезда Махмут Орхан ќе приреди концерт на стадионот „Билјанини Извори“.

На 27 јули на Античкиот театар ќе настапи Саша Ковачевиќ, а два дена подоцна, на 29 јули, концерт ќе одржи Јелена Розга.

На 31 јули, стадионот „Билјанини Извори“ ќе биде домаќин на заедничкиот концерт на Ацо Пејовиќ, Наташа Беквалац и Саша Матиќ.

— реклама —

Август започнува со спектакл. На 1 август на „Билјанини Извори“ ќе настапат Рита Ора, Сенида и 2Бона.

Додека на 2 август е закажан концертот на Слаткаристика и пријателите.

— реклама —

На 6 август, на Античкиот театар ќе настапи Пеѓа Јовановиќ, а два дена подоцна, на 8 август, концерт ќе одржи Жељко Самарџиќ.

На 13 август публиката ќе има можност да ужива во концертот на светски познатиот македонски пијанист Симон Трпчески.

Следува уште еден концертен викенд на Античкиот театар. На 14 август ќе настапи „Црвена јабука“, а на 15 август Никола Роквиќ.

— реклама —

Концертната програма продолжува на 29 август со настапот на Нина Бадриќ, која повторно ќе се врати пред охридската публика.

Со ваква програма, Охрид годинава повторно се позиционира како една од најатрактивните летни музички дестинации на Балканот, а се очекува концертите да привлечат десетици илјади посетители од Македонија и од странство.

Хронолошки распоред

• 24 јули – Силви бенд (Долни Сарај)

• 25 јули – Петар Грашо (Антички театар)

• 25 јули – Махмут Орхан („Билјанини Извори“)

• 27 јули – Саша Ковачевиќ (Антички театар)

• 29 јули – Јелена Розга (Антички театар)

• 31 јули – Ацо Пејовиќ, Наташа Беквалац и Саша Матиќ („Билјанини Извори“)

• 1 август – Рита Ора, Сенидах и 2Бона („Билјанини Извори“)

• 2 август – Слаткаристика и пријателите („Билјанини Извори“)

• 6 август – Пеѓа Јовановиќ (Антички театар)

• 8 август – Жељко Самарџиќ (Антички театар)

• 13 август – Симон Трпчески (Антички театар)

• 14 август – Црвена јабука (Антички театар)

• 15 август – Никола Роквиќ (Антички театар)

• 29 август – Нина Бадриќ (Антички театар)