ЗАБАВА

Од Скопје до Мадрид: БУРУ прераснува во ново движење на електронската сцена

Во време кога ноќниот живот во Скопје сè почесто се критикува како стагнирачки, новиот настан БУРУ се наметнува како сериозен обид за негово оживување, носејќи свежина, публика и интернационален звук.Минатата сабота, на 25 април, се одржа петтото издание на БУРУ, кое потврди дека проектот веќе излегува од рамките на локален експеримент и се позиционира како препознатлива платформа. Со три изданија во Македонија и две во Мадрид, настанот постепено гради и меѓународен идентитет.Овојпат, локацијата беше Музејот на град Скопје – избор што спои културно наследство со современа електронска сцена. Просторот, симболичен сам по себе, беше трансформиран во динамична зона исполнета со музика, движење и млада публика.Програмата ја отвори Dzulija, која ја воведе атмосферата, по што следуваше настапот на диџеј дуото Rabo de Toro (Ampov и Dimchuga), кои ја подигнаа енергијата и ја задржаа публиката во постојан ритам. Интернационалниот дел од вечерта го заокружија Collission од Италија, со хибриден диџеј сет збогатен со пијано, додавајќи поинаква звучна димензија.Настанот привлече голем број посетители, главно од помладата генерација, што дополнително го нагласува потенцијалот на ваквите формати да создадат нова публика и нови навики.БУРУ веќе добива и меѓународно внимание, откако беше претставен во реномираниот музички медиум MixMag – сигнал дека настанот не поминува незабележано ни надвор од земјава.Во контекст на критиките за ноќниот живот во главниот град, БУРУ се позиционира како конкретен одговор: иницијатива што не нуди само забава, туку и гради културна приказна. Со растечка видливост и амбиција, овој проект покажува дека новата генерација има капацитет да го редефинира урбаниот ритам на Скопје.

Магазин | пред 3 дена

(Видео) Северина, Лозано, Рита Ора, Самарџиќ, Хугел... концерти кои следуваат идниве месеци

Прагма продукција ја најавува една од најамбициозните концертни сезони досега, со низа светски и регионални ѕвезди кои во текот на 2026 година ќе настапат во Скопје и Охрид.Годината започнува со спектаклот „K-POP FOREVER“, кој на 28 февруари 2026 година ќе се одржи во „Борис Трајковски“. Мултимедијалното шоу, посветено на глобалната корејска поп-култура, носи енергичен сценски перформанс инспириран од најголемите хитови на современата К-поп сцена.Само ден подоцна, на 7 март, во истата арена ќе настапи Лозано со концертниот проект „Километри љубов – Love Weekend Special“, ветувајќи вечер исполнета со емоции и романтични хитови. На 13 март следува настапот на Хугел, со забавен концепт „Up All Night“, додека на 14 март 2026 година публиката ќе ужива во концертот „One Night Two Stars“ со Дорис Драговиќ и Петар Грашо.Во април, на 18 април 2026 година, во „Борис Трајковски“ пристигнува Севeрина со концертот „Ја само пјевам“, настан кој веќе предизвикува голем интерес кај македонската публика.Летната сезона ќе биде во знакот на Охрид. На 1 август 2026 година, на стадионот „Билјанини Извори“, ќе настапи Рита Ора, со што градот повторно ќе стане центар на регионалната музичка сцена. На 5 август, во Античкиот театар во Охрид, е закажан настан под наслов „Дупер – Антички“, а на 8 август истата сцена ќе ја исполни Жељко Самарџиќ.Кулминацијата на концертната есен доаѓа на 7 ноември 2026 година, кога во „Борис Трајковски“ ќе настапи британската соул-ѕвезда Емили Сандеј, со концерт што се очекува да биде еден од највпечатливите музички настани во годината.Со внимателно одбрана програма што ги обединува светските поп-ѕвезди, регионалните миленици и современите музички феномени, Прагма продукција најавува динамична и жанровски разновидна концертна година, која ќе ја позиционира Македонија на мапата на големите музички турнеи во 2026 година.Карти по пониски цени може да купите одма на kupikarta.com

Магазин | пред 2 месеци

Најмалку четворица убиени на детска роденденска забава во Калифорнија

Во пукање на семејна детска роденденска прослава во Стоктон, во Централната долина на Калифорнија, има најмалки четворица загинати и 14 повредени, соопшти канцеларијата на шерифот на округот Сан Хоакин. Осомничениот сè уште е во бегство.„Пукањето се случило во свечена сала зад Dairy Queen, каде што во моментот се одвивала семејна прослава”, изјави портпаролката на канцеларијата на шерифот, Хедер Брент, пренесува CNN.Малолетни и возрасни лица се пренесени веднаш во локалните болници.„Првичните индиции упатуваат на тоа дека можеби станува збор за целно изведен напад“, рече Брент.Канцеларијата на шерифот на округот Сан Хоакин ја води истрагата.

Свет | пред 5 месеци

(Видео) Почината девојка на која и се исполни желбата да ја запознае Тејлор Свифт: Нејзиниот татко објави потресна порака

Девојката која го создаде еден од најзабележителните моменти од австралиската турнеја на популарната пејачка Тејлор Свифт, почина само неколку недели по средбата со познатата ѕвезда.Деветгодишното девојче Скарлет Оливер имала рак на мозокот.Нејзиниот татко Пол ја објави тажната вест преку Инстаграм:„Мојот ангел, толку силен, храбар и убав. Ништо никогаш нема да биде исто. Не ме заборавај и те молам најди начин да ме известиш дека си добро. Добра ноќ душо, те сакам. Тато. Едноставно не е фер“, се вели во објавата.Нејзиниот момент со пејачката Тејлор Свифт стана вирален на социјалните мрежи кога заедно настапија на концерт во Сиднеј, а поп ѕвездата на крајот и подари капа пред да се гушнат.

Магазин | пред 2 години

Таткото на Тејлор Свифт под истрага

Таткото на пејачката Тејлор Свифт, Скот Свифт, е под истрага во Австралија поради наводен напад на папараци по концертот на неговата ќерка во Сиднеј.Како што пишува АП, инцидентот наводно се случил утрото кога Тејлор и Скот се симнувале од луксузна јахта. Таткото на пејачката тогаш наводно удрил 51-годишен папарацо кој сакал да ги фотографира.Според гореспоменатите медиуми, извршниот директор на „Matrix Media Group“, Бен Мекдоналд, потврдил дека тој е фотографот кој ја чекал пејачката и нејзиниот татко на пристаништето и дека пејачката во тој момент влегувала во автомобилот. на инцидентот.„Ја вршев мојата работа, бркајќи ја Тејлор. Таа штотуку се симна од јахтата во Неутрален залив и се движеше по пристаништето со неколку чувари околу неа. Обезбедувањето сакаше да нѐ оттурне со своите чадори, а потоа нејзиниот татко реши да интервенира и ме удри. Не требаше да биде така бидејќи обезбедувањето имаше се под контрола“, изјави Мекдоналд, пренесува гореспоменатиот медиум.Тој призна дека го тужел Скот Свифт, а полицијата на Нов Јужен Велс потврди дека истрагата е во тек. Сега за овој случај проговори и претставникот на пејачката за медиумите.„Две лица беа агресивни кон Тејлор, го туркаа нејзиното обезбедување и се закануваа дека ќе фрлат член на обезбедувањето во вода“, изјави тој за TMZ.

Магазин | пред 2 години