Со 1,45 промили алкохол удрил во мотоциклист во Марвинци, 57-годишник тешко повреден

Мотоциклист на возраст од 57 години се здобил со тешки телесни повреди во сообраќајна несреќа што се случила во селото Марвинци, Валандовско. Во несреќата учествувале патничко возило „мерцедес“ и мотоцикл „кавасаки“, а кај возачот на автомобилот биле измерени 1,45 промили алкохол во крвта.

— реклама —

Според информациите од Министерството за внатрешни работи, несреќата била пријавена на 25 октомври 2026 година, во 00:15 часот, во ОВР Валандово.

— реклама —

Во судирот учествувале „мерцедес“ со валандовски регистарски ознаки, управуван од 26-годишниот В.И. од селото Брајковци, и мотоцикл „кавасаки“ со валандовски регистарски ознаки, управуван од 57-годишниот М.Г. од Марвинци.

Мотоциклистот се здобил со тешки телесни повреди, кои биле констатирани во Општата болница во Гевгелија.

— реклама —

На местото на несреќата бил извршен увид од увидна екипа на ОВР Валандово. При увидот било утврдено дека возачот на „мерцедес“ управувал под дејство на алкохол, при што алкотестирањето покажало 1,45 промили алкохол во крвта.

Од МВР информираат дека по целосното документирање на случајот ќе следува соодветна пријава.