Триесет и двегодишен жител на Тетово е приведен под сомнение дека се обидел да изврши разбојништво во казино во градот, заканувајќи им се на вработените со нож.
Од Министерството за внатрешни работи информираат дека на 15 јули полициски службеници го лишиле од слобода К.В. (32) од Тетово, откако околу 11:05 часот се обидел да изврши разбојништво во казино.
По приведувањето, кај него бил извршен претрес, а алкотестирањето покажало дека имал 2,49 промили алкохол во крвта.
Осомничениот е задржан во полициска станица, а по целосното документирање на случајот против него ќе биде поднесена соодветна кривична пријава.
