Со тупаници и клоци го тепале, па со нож го сечеле по телото – детали за насилството врз малолетник во Маџари

Основното јавно обвинителство Скопје предложи мерки на претпазливост за три лица осомничени дека извршиле насилство врз малолетник во парк во скопската населба Маџари.

— реклама —

Според првичните сознанија, инцидентот се случил на 22 јуни, кога осомничените физички го нападнале детето, родено во 2011 година. Како што соопшти Обвинителството, тие го удирале со тупаници и клоци, а му нанеле и расекотини со нож по телото.

— реклама —

— реклама —

Јавниот обвинител до судијата на претходна постапка при Основниот кривичен суд Скопје предложил да им бидат определени мерки на претпазливост, меѓу кои забрана за напуштање на живеалиштето или престојувалиштето, обврска повремено да се јавуваат кај надлежно службено лице, привремено одземање на патната исправа, забрана за посетување на местото каде што се случил настанот, како и забрана за приближување и воспоставување каков било контакт со оштетеното дете и неговите родители.

Од Обвинителството информираат дека истрагата продолжува, при што се вршат вештачења на пронајдените траги и се преземаат дополнителни дејствија за обезбедување докази.