Водел нелегален пазар за украдени податоци, а на телефон му пронашле 29 видеа со сексуална злоупотреба на деца: Обвинителството бара притвор

Основното јавно обвинителство во Тетово отвори истражна постапка против 20-годишник од селото Голема Речица, осомничен за повеќе кривични дела поврзани со компјутерски криминал, злоупотреба на лични податоци и недозволена содржина во која се вклучени деца. Обвинителството побара од судот да му биде определен притвор поради опасност од бегство и можност за повторување на кривичните дела.

Според Обвинителството, повеќемесечните предистражни дејствија, спроведени под раководство на јавен обвинител, обезбедиле докази што упатуваат на основано сомнение дека осомничениот сторил кривично дело компјутерска измама, предвидено во член 251-б од Кривичниот законик.

— реклама —

Во периодот од 2025 до 2026 година, тој наводно администрирал нелегална група на комуникациската апликација „Телеграм“, преку која нудел услуги и софтверски алатки за измами поврзани со незаконско враќање парични средства.

— реклама —

Осомничениот се товари и за злоупотреба на лични податоци, кривично дело предвидено во член 149 од Кривичниот законик. Според досегашните сознанија, тој администрирал домени и веб-страници поврзани со платформата „OLVX“, која функционирала како нелегален пазар за продажба на украдени дигитални податоци, софтверски алатки и услуги наменети за извршување кривични дела.

Главни корисници на платформата биле сајбер-криминалци кои купувале и продавале лични податоци и податоци за пристап до кориснички сметки. Во периодот на нејзиното функционирање, таму биле понудени повеќе од 1.500 украдени податоци за пристап до сметки на физички и правни лица.

— реклама —

При претресот, извршен врз основа на судска наредба издадена по барање на јавниот обвинител, биле одземени два мобилни телефона. Во скриена папка на еден од нив биле пронајдени вкупно 29 видеа со експлицитна содржина на полови дејствија меѓу возрасни лица и деца. Поради ова, 20-годишникот е осомничен и за производство и дистрибуција на детска порнографија, кривично дело предвидено во член 193-а од Кривичниот законик.

Поради опасност од бегство, како и ризик осомничениот да продолжи со вршење кривични дела, јавниот обвинител до судијата на претходна постапка при Основниот суд во Тетово доставил предлог за определување мерка притвор.

Македонски државјанин под истрага на ФБИ: Од Голема Речица управувал со платформа за сајбер-криминал, тврди МВР

Дваесетгодишник од тетовското село Голема Речица е осомничен дека управувал со нелегален онлајн пазар преку кој се продавале украдени лични податоци, пристапи до кориснички сметки и компјутерски мрежи, како и алатки за извршување компјутерски криминал. До неговото откривање дошло по заедничка истрага на македонското Министерство за внатрешни работи и американското Федерално истражно биро (ФБИ).Секторот за компјутерски криминал и дигитална форензика при МВР поднел кривична пријава до Основното ја

Македонија | пред 1 ден