Собранието денеска расправа за нов член на Регулаторната комисија и измени на законот за земјоделство

Три комисии во Собранието денеска ќе одржат седници на кои ќе се разгледуваат кадровски решенија, промени во собраниските тела и законски измени во областа на земјоделството.

— реклама —

Комисијата за прашања на изборите и именувањата ќе ги разгледува пристигнатите пријави на јавниот оглас за именување член на Регулаторната комисија за енергетика, водни услуги и услуги за управување со комунален отпад, по што треба да утврди предлог-кандидат за функцијата.

— реклама —

На дневниот ред се и предлог-одлуки за избор на членови на Советот за граѓански надзор, како и промени во составот на собраниските делегации во Парламентарното собрание на Советот на Европа и Парламентарната димензија на Централноевропската иницијатива.

— реклама —

Пратениците ќе разгледуваат и промени во составот на собраниските комисии, вклучително и избор на претседатели, заменици, членови и заменици-членови. Предвидени се и измени во пратеничките групи за соработка со парламентите на други држави, како и избор на нивните раководства и членови.

— реклама —

Во меѓувреме, Комисијата за земјоделство, шумарство и водостопанство и Законодавно-правната комисија ќе расправаат за Предлог-законот за изменување и дополнување на Законот за земјоделство и рурален развој, во прво читање.