Шок на Вимблдон: Финалистката од Ролан Гарос елиминирана уште во првото коло

Големо изненадување беше забележано уште на стартот на Вимблдон, откако полската тенисерка Маја Хвалинска го заврши настапот уште во првото коло на турнирот.

— реклама —

Хвалинска беше поразена од Тајланѓанката Мананчаја Савангаеве со 2:1 во сетови (2:6, 7:5, 6:2), иако одлично го отвори натпреварот и убедливо го доби првиот сет.

— реклама —

Сепак, во вториот сет Полјачката се здоби со повреда на зглобот, што значително влијаеше на нејзината игра. Иако повредата изгледаше сериозно, Хвалинска реши да го продолжи мечот.

Таа имаше и меч-топка при водство од 5:2 во вториот сет, но поради отежнатото движење не успеа да го приведе натпреварот кон крај.

— реклама —

Савангаеве ја искористи ситуацијата, успеа да направи пресврт во вториот сет, а потоа сигурно го доби и третиот за пласман во следната рунда на Вимблдон.

За Хвалинска сега следува период на опоравување, со надеж дека повредата нема подолго да ја оддалечи од тениските терени.