Утрово најниската температура била измерена на Попова Шапка од -12 степени, -11 степени биле измерени на Маврови Анови, -8 во Крушево, -7 степени во Охрид, и Битола, -6 во Тетово, Претор, Прилеп, Демир Капија и Струмица, -5 степени во Скопје-Петровец и Берово, -4 во Крива Паланка, -3 во Штип и Виница, -2 во Скопје-Зајчев Рид, 0 во Куманово, Дојран и Гевгелија.
Снежната покривка во 7 часот изнесувала 44 сантиметри на Попова Шапка, 40 сантиметри на Маврови Анови, 14 сантиметри во Пожаране, 8 сантиметри во Крушево.
Денеска ќе биде сончево со мала локална облачност. Ќе дува слаб до умерен ветер од северен правец, поизразен вдолж Повардарието.
Максималната температура ќе достигне од 0 до 9 степени.
Во Скопје, сончево со мала облачност и со слаб до умерен ветер од северен правец. Максималната температура ќе достигне до 6 степени.
Ведрото време, според УХМР, ќе услови во следните денови утринските температури да бидат ниски, особено во среда и четврток кога на места ќе се спуштаат и под минус 11 степени.
