Сообраќајка меѓу „голф“ и мопед во Скопје: една жена тешко порведена, мопедистот немал возачка дозвола

На улицата „Александар Урдаревски“ во Скопје синоќа се случила сообраќајна несреќа меѓу патничко возило и мопед-трицикл.

— реклама —

Од МВР информираат дека несреќата била пријавена на 27 септември во 20:00 часот. Во неа учествувале „фолксваген голф“ со скопски регистарски ознаки, управуван од Р.М. (53) од Скопје, и мопед-трицикл „томос“ со полуприколка без регистарски ознаки, управуван од Р.А. (35) од Скопје, кој не поседувал возачка дозвола.

— реклама —

— реклама —

Во несреќата возачот на мопедот се здобил со телесни повреди, додека неговата 28-годишна сопатничка С.М. се здобила со тешки телесни повреди. Повредите биле констатирани во ЈЗУ „Св. Наум Охридски“ во Скопје.

За случајот бил известен јавен обвинител, а увид извршила увидна екипа од СВР Скопје. По целосното документирање на случајот ќе следува соодветна пријава.