Сопругата на македонскиот државјанин кој е осомничен за убиство на жена во Грција: „Сигурна сум дека е невин“

Нови детали излегоа на виделина во случајот со убиството на Ставрула Левентаки на Крит, за кое е обвинет 43-годишен македонски државјанин Миско Л, кој денеска треба да се појави пред надлежниот суд.

Медиумот „Лајв њуз“ објави аудиоснимка од телефонски разговор меѓу обвинетиот и братот на Ставрула Левентаки, во која се откриваат делови од нивната комуникација по исчезнувањето на жената.

— реклама —

Според „Лајв њуз“, во разговорот обвинетиот изразува желба таа да биде пронајдена, наведувајќи дека така би можел да има „помирен живот“ и дека му е важно нејзиното здравје.

— реклама —

Во телефонскиот разговор, 43-годишникот вели дека е исплашен и дека единствено сака жената да биде пронајдена.

Во меѓувреме, неговата сопруга во изјава за телевизијата „Мега“ истакна дека верува во неговата невиност и дека ќе продолжи да го поддржува.

— реклама —

„Сигурна сум дека е невин. Го поддржувам и тоа до смрт. Мојот сопруг никогаш не погледнал друга жена, ниту кога беше помлад, ниту сега кога сме заедно веќе 20 години“, изјавила таа.

— реклама —

Според неа, Ставрула Левентаки била необична личност и целиот случај претставува заговор против нејзиниот сопруг.

Според досегашните информации, 43-годишниот македонски државјанин, кој го изнајмувал имотот на Левентаки, признал дека ја убил. По убиството, како што пренесуваат медиумите, тој го ставил телото во вреќа, го превезол со автомобил и го закопал на нива, на околу пет километри од куќата.