Индискиот разгранок на јапонскиот конгломерат „Сони“ го финализира договорот со локалниот ривал „Зи“ за формирање на втората по големина мрежа за забава во земјата.
Sony Pictures Network India (SPNI) и Zee Entertainment Enterprises (ZEE) го завршија своето спојување и се на пат да станат втора најголема забавна мрежа во Индија според приходите – регионален гигант за содржини што вклучуваат филмови, ТВ и стриминг.
Новоспоената компанија ќе биде дом на 75 телевизиски канали, две стриминг-платформи, две филмски студија, студио за дигитална содржина и проширена библиотека.
Здржениот ентитет е подготвен да стане главен играч во брзорастечката забавна индустрија во земјата предизвикувајќи ги ривалите, како што е „Хотстар“ на „Волт Дизни“.
Индија има над 900 милиони ТВ-гледачи и над 800 канали.
Овие канали нудат разни емисии – од спорт, мелодрами до реална телевизија.
Според спојувањето, што беше објавено во вторникот, комбинираниот ентитет ќе биде речиси 51 % во сопственост на Sony Pictures Networks India (SPNI).
Главниот извршен директор на „Зи“, Пунит Гоенка, ќе застане на чело на „Зи-Сони“ по 90-дневен период на длабинска анализа.
