„Спомените нѐ држат“ - по 18 пат родителите и роднините на загинатите во „Пулс“ на марш

Во Кочани денеска се одржува 18-тиот „Марш на ангелите“, собир во чест на жртвите од пожарот во клубот „Пулс“, во кој животот го загубија 62 млади лица. Настанот се поклопува со навршувањето на пет месеци од најголемата цивилна трагедија во поновата македонска историја.

— реклама —

— реклама —

— реклама —

„Се навршија пет месеци од најтешкиот ден во нашите животи. Пет месеци празнина во срцето, пет месеци во кои секој здив е потежок од претходниот. Пет месеци без прегратките и гласот на нашите најмили. Во овие месеци болката не стивнува. Спомените нѐ држат исправени“, изјави Розета Џамова, сестра на загинатиот Јорданчо Џамов.

— реклама —

Организаторите потсетуваат дека маршот не е само чин на сеќавање, туку и повик за правда и одговорност. Роднините на загинатите повеќепати изразија револт поради бавната истрага и недостигот од конкретни резултати.