Пред полни трибини и во одлична спортска атмосфера, на спортското игралиште во Карпош 1 се одигра финалето на меморијалниот турнир во мал фудбал „Оливер Соколов-Сокол 2026“.
Екипата на „Мега лифтови“ со сигурна и убедлива игра ја совлада „Руди компани“ и го освои победничкиот пехар на овогодинешното издание на турнирот.
На финалниот натпревар присуствуваше и градоначалникот на Општина Карпош, Сотир Лукровски, кој им ги врачи пехарите на најдобрите екипи.
Лукровски истакна дека му претставува чест што Општина Карпош и оваа година е домаќин на меморијалниот турнир, кој со текот на годините прерасна во препознатлив дел од спортскиот живот на општината.
Тој упати честитки до победниците, но и до сите екипи што учествуваа на турнирот и придонесоа за фер-плеј и спортска атмосфера.
„Сокол 2026“ и годинава привлече голем број љубители на спортот, кои ги проследија натпреварите и финалната пресметка на турнирот.
