Спречен шверц на Богородица: Криел 5.000 штеки цигари вредни 9 милиони денари меѓу градежен материјал

Царинските службеници на граничниот премин Богородица запленија 5.000 штеки цигари без акцизни маркички, чија проценета вредност изнесува околу девет милиони денари. Во акцијата е приведен возачот на камионот, српски државјанин, против кого е поднесена кривична пријава до Основното јавно обвинителство во Гевгелија поради сомнение за кривично дело криумчарење.

— реклама —

Според Царинската управа, товарното возило било пријавено за транзит од Грција кон Србија, а според документацијата превезувало градежен материјал – камена волна.

— реклама —

— реклама —

При детална контрола, царинските службеници над палетите со пријавената стока откриле 100 необележани кутии, во кои имало по 50 штеки цигари, односно вкупно 5.000 штеки што не биле пријавени.

— реклама —

Од Царинската управа истакнуваат дека со оваа акција уште еднаш ја потврдуваат својата посветеност во борбата против нелегалната трговија со цигари и спречувањето на прекуграничниот криминал.