Спречувањето на корупцијата во фокусот на средбата меѓу Ѓорѓиевски и ГРЕКО

Јакнењето на интегритетот, отчетноста и спречувањето на корупцијата на локално ниво беа во фокусот на средбата меѓу градоначалникот на Скопје, Орце Ѓорѓиевски, претставници на градската администрација и делегација на ГРЕКО – Групата на држави против корупцијата.

— реклама —

На состанокот се разговарало за зголемување на одговорноста на службите и градоначалниците, како и за вклучување на невладиниот сектор во подготовката на финансиските планови и градските буџети.

— реклама —

Ѓорѓиевски ја нагласил важноста на институционалната соработка и размената на добри практики за одговорно управување со јавните средства. Тој посочил дека довербата на граѓаните се гради преку јасни постапки и отчетност за секоја донесена одлука.

— реклама —

Градоначалникот истакнал дека Град Скопје работи на развој на дигитални алатки кои треба да придонесат за спречување на корупцијата и поголема транспарентност во работењето на администрацијата.

— реклама —

Според него, поедноставувањето на процедурите, полесниот пристап до информациите и можноста за следење на постапките се важни механизми за поодговорно управување со јавните средства.