Србија добива нов ветропарк од 140 милиони евра, ќе произведува струја за над 40.000 домаќинства

Ветропаркот „Пупин“ во Ковачица, Србија, треба да биде отворен на 15 октомври, а се очекува годишно да произведува до 220 гигават-часови електрична енергија, доволни за снабдување на повеќе од 40.000 домаќинства.

— реклама —

Станува збор за инвестиција вредна 140 милиони евра, реализирана како резултат на долгорочното партнерство меѓу израелската компанија „Енлајт ринјуабл енерџи“ и домашната компанија „Њу енерџи солушнс“.

— реклама —

Свеченото отворање е закажано за 13 часот, а на настанот се најавени претставници на Министерството за рударство и енергетика, локалната самоуправа, дипломатскиот кор, како и компаниите и институциите вклучени во проектот.

Ветропаркот се наоѓа во југозападниот дел на Банат, на територијата на Општина Ковачица, меѓу населените места Ковачица, Падина и Дебељача.

— реклама —

Проектот предвидува поставување најмногу 16 ветерни турбини, со поединечна моќност до 5,9 мегавати и вкупна инсталирана моќност до 94,4 мегавати.

Покрај турбините, предвидена е изградба на придружната инфраструктура, вклучително и пристапни површини и кабелска мрежа. Планирана е и реконструкција на околу 20 километри полски патишта, додека приклучувањето на преносната мрежа ќе се изврши преку постојната трафостаница на ветропаркот „Ковачица“.