Од почетокот на јануари во Србија ќе започне служењето на задолжителниот воен рок, најави министерот за одбрана Братислав Гашиќ. Според него, армијата веќе има подготвено повеќе од 120 објекти каде ќе се извршува обуката на регрутите.
Гашиќ нагласи дека процесот е сложен и скап, но дека Министерството веднаш почнало со изработка на сите законски и подзаконски акти потребни за враќањето на оваа пракса.
Во текот на есенската седница на српското Собрание се очекува да биде предложен пакет нови закони за армијата, меѓу кои и законот за задолжителната воена служба.
„Се надевам дека ќе почнеме со првата генерација некаде од јануари до март, кога ќе стартува примената на законот,“ изјави српскиот министер за одбрана.
