Србинот кој беше фрлен во море поради маица на Црвена звезда, заврши во затвор

Државјанин на Србија од Нови Сад, кој пред два дена во Макарска заврши во море по конфликт поради маица на Црвена звезда, е задржан во сплитскиот затвор, пишува „Далматински портал“.

— реклама —

Општинскиот прекршочен суд му одреди 14 дена задржување во Билице, откако полицијата утврдила дека преку својот профил на Фејсбук го нарушувал јавниот ред и мир.

— реклама —

Полицијата наведува дека во една објава го величел Ратко Младиќ, правосилно осуден за геноцид и воени злосторства, додека во друга ја навредувал Хрватска и нејзините граѓани. Против 49-годишникот е поднесена пријава за два прекршоци според член 5 од Законот за прекршоци против јавниот ред и мир, а полицијата предложила казна од 15 дена затвор.

— реклама —

Истиот маж претходно учествувал во инцидент во Макарска. Според наводите на полицијата, 43-годишник побарал од него да ја соблече маицата на Црвена звезда. Откако тој одбил, 43-годишникот го турнал во море.

Полицијата набрзо го пронашла осомничениот за нападот и го пријавила за нарушување на јавниот ред и мир. По испрашувањето во судот, тој бил пуштен на слобода.