Платото пред Домот на Народното собрание во Белград денеска ќе биде центар на масовниот собир „Србија едно семејство“, во организација на Српската напредна странка (СНС). Настанот, кој се најавува како клучен за визијата на земјата, ќе послужи како платформа за презентирање на идните планови и програми за развој на Србија.
Повикот за собирот пристигна од српскиот претседател Александар Вучиќ и највисоките државни функционери, со посебен акцент на директната комуникација со народот. Граѓаните ќе имаат единствена можност да ги соопштат своите приоритети, но и отворено да укажат на проблемите со кои се соочуваат во секојдневието.
Она што ќе го одбележи овој ден е развивањето на најголемото српско знаме во историјата, огромна тробојка со должина од над 500 метри и ширина од околу 10 метри, која учесниците ќе ја носат низ градските улици.
Организаторите подготвија и богата забавна програма за сите генерации.
Ќе има големи концерти на познати музички ѕвезди и дефиле на моќни бајкери.
Главниот дел од програмата носи вистинско изненадување: хуманоидни роботи кои, придружувани од звуците на хармоника, ќе го играат традиционалното оро „Моравац“.
Пред присутните ќе се обрати претседателот Александар Вучиќ. Повикот за собирот е директно од Вучиќ и највисоките државни функционери, со посебен акцент на директната комуникација со народот. Граѓаните ќе имаат единствена можност да ги соопштат своите приоритети, но и отворено да укажат на проблемите со кои се соочуваат во секојдневието.
„Сакам да чујам што граѓаните сакаат да променат. Секој ќе добие анкета со 15 клучни теми, каде што ќе може да заокружи пет најважни приоритети на кои државата мора да работи, но и слободен простор за запишување на личните проблеми и поплаки“, најави Вучиќ.
