ВУЧИЌ

Генералот Флин по интервјуто на Вучиќ: Србија има важно место во американската историја

Пензионираниот американски генерал и поранешен советник за национална безбедност, Мајкл Флин, го сподели интервјуто на српскиот претседател Александар Вучиќ за американскиот медиум „Брајтбарт“, нагласувајќи ја улогата на Србија во спасувањето на американските пилоти за време на Втората светска војна.Флин потсети на операцијата „Халијард“ („Воздушен мост“), која се смета за една од најголемите акции за спасување на американски и сојузнички пилоти во историјата.„Србија одигра клучна улога во спасувањето на стотици соборени американски и сојузнички пилоти за време на Втората светска војна, првенствено преку операцијата ‘Воздушен мост’, најголемото спасување на американски пилоти во историјата“, напиша Флин на социјалната мрежа Икс.Објавата следува откако американскиот претседател Доналд Трамп на својата платформа „Трут Соушл“ го сподели интервјуто на Вучиќ.Во разговорот за „Брајтбарт“, Вучиќ оцени дека Трамп ужива исклучително висока популарност во Србија, наведувајќи дека голем дел од српските граѓани ја поддржувале неговата кандидатура на претседателските избори во САД во 2024 година.Според српскиот претседател, Трамп е ценет во Србија поради неговиот прагматичен и рационален пристап кон меѓународната политика.Вучиќ вчера му се заблагодари на Трамп за, како што рече, почитта покажана кон Србија, изразувајќи уверување дека односите меѓу двете земји ќе продолжат да се развиваат во позитивна насока.

Балкан | пред 2 дена

Вучиќ го тужеше „Шпигел“ и доби привремена судска победа

Покраинскиот суд во Хамбург донесе привремена мерка со која на германскиот неделник „Шпигел“ му се забранува да го поврзува српскиот претседател Александар Вучиќ со наводниот „лов на луѓе“ за време на опсадата на Сараево.Според одлуката на судот, „Шпигел“ не смее да создава впечаток дека Вучиќ учествувал во целно убивање цивили во периодот од 1992 до 1995 година. Во случај на прекршување на забраната, неделникот би можел да се соочи со парична казна до 250.000 евра.Судот оценил дека начинот на кој биле претставени обвинувањата бил недозволив и неурамнотежен, при што биле повредени личните права на српскиот претседател.Меѓу другото, на „Шпигел“ му е забрането да тврди дека Вучиќ како млад доброволец служел во паравоена единица кај Еврејските гробишта во Сараево и таму бил во контакт со странски „ловци на луѓе“. Забрането е и пренесување на слични тврдења од лидерот на српските радикали Војислав Шешељ, како и цитирање на изјави на косовскиот премиер Албин Курти поврзани со овие обвинувања.Во образложението, судот навел дека новинарите не обезбедиле доволно цврста доказна основа за сериозните обвинувања и дека не побарале коментар од Вучиќ пред објавувањето на текстот.„Шпигел“ има право на жалба, а од редакцијата соопштија дека ќе постапат по судската одлука, но остануваат на ставот дека стојат зад своето истражување.Во анализата на случајот, германскиот весник „Франкфуртер Алгемајне Цајтунг“ наведува дека приказната за наводното „човечко сафари“ во Сараево главно се темели на книгата „Викенд-снајперисти“ на италијанскиот автор Ецио Гавацени, за која се тврди дека е заснована на непроверени информации и без цврсти докази.

Свет | пред 2 дена

Вучиќ најави повисоки плати и модернизација на полицијата на Денот на полицијата: „Вие сте столбот на државата“

Претседателот на Србија, Александар Вучиќ, се обрати на Свечената академија по повод Денот на Министерството за внатрешни работи и Денот на полицијата, при што им оддаде признание на припадниците на полицијата за нивната улога во заштитата на државата и граѓаните.„Драги припадници на полицијата и Министерството за внатрешни работи, вие сте столбот на државата. Избравте повик за храбрите и одлучните, повик во кој од вас зависат животите на луѓето“, изјави Вучиќ.Тој нагласи дека полицијата секогаш е присутна таму каде што е потребна заштита на граѓаните и општеството.„Полицаецот е насекаде и во секое време ги штити највисоките вредности на нашето општество. Кога постои опасност од тероризам, први кои ги ризикуваат своите животи се полицајците“, рече српскиот претседател, упатувајќи благодарност и до нивните семејства.Вучиќ посебно им се заблагодари на ветераните на полицијата, истакнувајќи ја нивната улога во извршувањето на, како што рече, најсветите патриотски должности.„Кога требаше да се штити Косово и Метохија, многу припадници на полицијата ги загубија своите животи. Тие не отстапија и беа меѓу првите кои го бранеа територијалниот интегритет“, изјави тој.На крајот од обраќањето, српскиот претседател најави модернизација на полициската опрема и значително зголемување на платите за сите припадници на Министерството за внатрешни работи.

Балкан | пред 3 дена

Вучиќ: Србија ќе има роботи и силна армија, иднината е во вештачката интелигенција

Српскиот претседател Александар Вучиќ од Шангај изјави дека за време на петдневната посета на Кина посетил вкупно 29 компании и најави нови инвестиции и соработка меѓу Србија и кинеските компании.„Верувам дека за два града во Србија ќе имаме големи вести во текот на јуни. Економијата на Србија во април порасна четири проценти и сум горд на сè што направивме овде“, рече Вучиќ.Тој посочи дека е особено задоволен од разговорите поврзани со воената индустрија и додаде дека Војската на Србија прави „квантни скокови“.„Нашата армија ќе има сила да нè одбрани од секого и ќе биде силен одвраќачки фактор“, изјави српскиот претседател.Вучиќ истакна дека интересот на кинеските компании за Србија е огромен и дека би можел да разговара и со уште педесет компании. Според него, признанието што го добил од Си Џинпинг ги отворило вратите за нови инвестиции.Осврнувајќи се на протестите во Србија и критиките од опозицијата, Вучиќ рече дека изборите се единственото место каде што се одлучува политичката поддршка.„Роботиката е иднината, вештачката интелигенција е иднината. Најдобро е, според нив, да немаме роботи и паметни телефони и да се вратиме во пештери“, рече тој.Во врска со Црна Гора, Вучиќ изјави дека ќе отпатува таму по покана на Урсула фон дер Лајен и порача дека сам го избира својот политички пат.Говорејќи за Косово и Метохија, тој оцени дека српскиот народ се соочува со тежок период и додаде дека Белград чека „поволен момент во меѓународните односи“ за спроведување на Бриселскиот договор.

Балкан | пред 6 дена

Вучиќ: За два месеца Србија ќе произведува хуманоидни роботи

Српскиот претседател Александар Вучиќ од Кина најави дека Србија за два месеца ќе има хуманоидни роботи произведени во земјата, додавајќи дека роботите ќе бидат дел и од изложбата ЕКСПО 2027.„За два месеца ќе имаме хуманоидни роботи произведени во Србија, никој во Европа го нема тоа што ќе го има Србија“, изјави Вучиќ за време на четвртиот ден од неговата билатерална посета на Кина.Тој наведе дека во текот на посетата биле договорени нови инвестиции во вредност од 953 милиони евра, кои ќе бидат реализирани во повеќе српски градови, меѓу кои Ниш, Нови Сад, Зрењанин, Шабац, Ќуприја и Инѓија.Според Вучиќ, проектот за роботика ќе се реализира во три фази. Првата фаза, како што кажа, ќе започне во средината на јуни и ќе се однесува на склопување роботи.Во втората фаза ќе бидат формирани т.н. „тренинг-фабрики“, во кои млади луѓе ќе ги обучуваат роботите да извршуваат различни задачи, како подготовка на кафе и коктели.Третата фаза, според него, ќе биде поврзана со употреба на вештачка интелигенција и ќе претставува најголем облик на инвестиции во Европа.Вучиќ истакна дека околу 500 млади луѓе од Србија ќе заминуваат на обука во Кина, а дел од кинеските компании веќе вработуваат илјадници работници во Србија.Тој рече и дека Србија разговара со повеќе компании за развој на нови технологии, вклучително и за „летечки такси“.„На ЕКСПО 2027 ќе имаме роботи насекаде. Српскиот павилјон ќе го опслужува робот, а ќе им понудиме роботи и на други држави за нивните павилјони“, изјави српскиот претседател.Вучиќ оцени дека технолошкиот развој и инфраструктурните инвестиции се клучни за економскиот напредок на Србија и додаде дека земјата постепено ја намалува разликата во животниот стандард во однос на други европски држави.

Балкан | пред 1 седмица

Брнабиќ: Србија денес има највисоки плати во регионот, го мразите Вучиќ затоа што е поуспешен

Претседателката на Народното собрание на Србија, Ана Брнабиќ, се огласи на социјалната мрежа Икс и одговори на новите критики упатени кон претседателот на Србија, Александар Вучиќ.„Кога Александар Вучиќ дојде на власт, платите во Црна Гора беа 50 проценти повисоки отколку платите во Србија. За само десет години платите во таа и таква ‘заглавена’ Србија ги престигнаа платите во Црна Гора“, напиша Брнабиќ.Таа додаде дека би сакала Србија да остане „толку заглавена“ како во последната деценија, наведувајќи дека во тој период биле изградени повеќе од 600 километри автопати и брзи сообраќајници, брзи железници, нови клинички центри и научно-технолошки паркови.„Толку сме заглавени што секоја втора насловна страница ви е Александар Вучиќ“, порача Брнабиќ.Во објавата таа исто така наведе дека ѝ е жал за критичарите на Вучиќ, бидејќи, според неа, го мразат „само затоа што е поуспешен, повреден, похрабар и попосветен“.

Балкан | пред 1 седмица

Хрватски медиум: Во Србија добро се живее, нема силна алтернатива на Вучиќ

Говорејќи за идните избори во Србија, хрватската телевизија РТЛ Хрватска оценила дека противниците на српскиот претседател Александар Вучиќ очекуваат во Србија да се случи „унгарско сценарио“.Сепак, според анализата на медиумот, такво сценарио во моментов не е реално, а како причини се наведуваат две клучни работи.Експертот за комуникации Крешимир Мацан изјавил дека унгарскиот премиер Виктор Орбан не успеал да го одржи животниот стандард на граѓаните, додека, според него, Вучиќ успева во тоа.Како втора причина, Мацан посочил дека српската опозиција нема лидер што би можел сериозно да му се спротивстави на актуелниот претседател, оценувајќи дека во моментов не постои јасна политичка алтернатива.

Балкан | пред 1 седмица

Вучиќ по посетата на фабриката на „Шаоми“: Ги поканивме во Србија

Претседателот на Србија, Александар Вучиќ, денеска ја посети фабриката на „Шаоми“ во Пекинг, која важи за една од најмодерните фабрики за електрични автомобили во Кина.„Ги поканивме да го разгледаат доаѓањето во Србија, како и учеството на ЕКСПО 2027“, изјави Вучиќ.Тој одржал и состанок со претставници на компанијата, а на средбата присуствувале и министри од Владата на Србија, кои се дел од државната делегација.Фабриката се наоѓа во економско-технолошката развојна зона Јиџуанг во Пекинг и се простира на околу 718.000 квадратни метри.Највпечатлив податок е брзината на производството – ново возило излегува од производната линија на секои 76 секунди. При полн капацитет, фабриката може да произведе околу 40 возила на час.Една од главните карактеристики на погонот е исклучително високото ниво на автоматизација. Во производството учествуваат повеќе од 700 роботи, а дел од процесите се целосно автоматизирани – од склопување на каросеријата до финална контрола на квалитетот.„Шаоми“ користи и системи со вештачка интелигенција за откривање грешки и неправилности со речиси целосна прецизност.Компанијата за кратко време постигна значителен успех на кинескиот пазар со моделот „Шаоми СУ7“. Според податоците од 2026 година, продадени се повеќе од 360.000 возила од првата генерација, а интересот за новите модели продолжува да расте.Фабриката не е само производствен погон, бидејќи во рамките на комплексот има и развојни центри, истражувачки лаборатории, тест-патеки и простории за презентација на возила. Компанијата настојува целиот процес – од развој на софтвер до финален автомобил – да го задржи во рамките на сопствениот систем.

Балкан | пред 1 седмица

Кинескиот претседател му порача на Вучиќ: Кина и Србија треба да го продлабочат меѓусебното почитување

Кинескиот претседател Си Џинпинг за време на средбата со српскиот претседател Александар Вучиќ во Пекинг порача дека Кина и Србија треба дополнително да ја продлабочат меѓусебната доверба и да ја прошират соработката за зајакнување на стратешкото партнерство.Според кинеското Министерство за надворешни работи, Си изјавил дека двете земји треба да ја интензивираат размената, да ја зајакнат практичната соработка и меѓусебно да се поддржуваат на „заедничкиот пат кон просперитетна иднина“.Тој истакнал и дека кинескиот и српскиот народ низ историјата минувале низ тешки периоди што го обликувале нивниот „истраен и цврст карактер“.„Кина и Србија се посветени на зачувување на независноста и националното достоинство“, рекол Си Џинпинг.Средбата се одржа за време на првата официјална државна посета на Вучиќ на Кина, а двајцата лидери присуствуваа на потпишувањето на повеќе билатерални договори во областа на трговијата, инфраструктурата, технологијата и други сектори.Вучиќ при пристигнувањето во Кина изјавил дека станува збор за една од најважните посети во неговата политичка кариера и дека Србија очекува значајни економски придобивки од продлабочувањето на соработката со Пекинг.Кина во последните години стана еден од најголемите инвеститори во Србија преку проекти поврзани со иницијативата „Појас и пат“, вклучувајќи железничка инфраструктура, рударски проекти и индустриски развој.Трговската размена меѓу двете земји достигнала околу 9,37 милијарди долари, со што Кина стана втор најголем трговски партнер на Србија.

Свет | пред 1 седмица

Собирот за Вучиќ во Куманово отвори сомнежи за политичката и финансиската позадина

Додека десетици илјади студенти и граѓани вчера протестираа на белградскиот плоштад Славија против власта на српскиот претседател Александар Вучиќ, во Куманово се одржа значително помал, но медиумски експониран собир за поддршка на српскиот лидер.Неколку стотини присутни носеа транспаренти со пораки „Ние сме Вучиќ“, „Куманово за Вучиќ“ и „Скопје за Вучиќ“, додека се вееја српски и македонски знамиња. Провладините медиуми во Србија настанот го претставија како „прекрасна слика“ и доказ за „геополитичката тежина“ на Вучиќ, пренесе Nova.rs.Но, по собирот се отворија прашања и дилеми за неговата организација и финансирање.Според српскиот медиум „Nova ekonomija“, организаторот – здружението „Мир, слога, стабилност“ – се наоѓа на списокот на корисници на средства од Министерството за надворешни работи на Србија. Оваа информација не е независно потврдена. Станува збор за здружение основано во 2022 година, кое добило 400.000 српски динари преку Управата за соработка со дијаспората и Србите во регионот за проект насловен „Православието и духовноста нè поврзуваат по покровителство на молитвата“.Во меѓувреме, опозициската СДСМ обвини дека зад организацијата на собирот стои ВМРО-ДПМНЕ и дека настанот бил договорен на средба во Скопје меѓу вицепремиерот Иван Стоиљковиќ и претседателот на Српската напредна странка, Милош Вучевиќ.Од ВМРО-ДПМНЕ ги отфрлија ваквите обвинувања и негираа каква било вмешаност во организацијата на собирот, додека Стоиљковиќ најави тужба против лидерот на СДСМ, Венко Филипче.

Македонија | пред 1 седмица

Вучиќ: „Можеби наскоро ќе поднесам оставка“

Српскиот претседател Александар Вучиќ денеска изјави дека е можно наскоро да поднесе оставка, посочувајќи дека неговиот мандат истекува и дека нема намера да прави политички потези какви што, според него, правел поранешниот претседател Борис Тадиќ.„Можно е наскоро да поднесам оставка“, изјави Вучиќ пред новинарите во Пекинг, на почетокот од посетата на Кина.Тој притоа се осврна и на начинот на кој Тадиќ своевремено го скратил својот мандат.„Нема да скратувам мандат со бесмислена формулација, бидејќи или поднесуваш оставка или си претседател до крајот на мандатот“, рече Вучиќ.Српскиот претседател ги коментираше и синоќешните студентски и граѓански протести на плоштадот Славија во Белград, оценувајќи дека тие „не можат посебно да ја вознемират државата“.Според него, протестот бил „без добро осмислена содржина“, „испразнет“ и „не особено масовен“.Вучиќ ги обвини организаторите и за инцидентите што се случија по завршувањето на собирот.Тој рече дека три различни служби направиле проценка за бројот на присутни и дека бројките се движеле меѓу 30.500 и 34.300 луѓе.„Ја прифативме највисоката проценка, иако прецизните податоци покажуваат дека имало нешто помалку од 34 илјади присутни“, изјави Вучиќ.Тој најави и дека Српската напредна странка ќе организира свои собири од 26 до 28 јуни.„Од нашата бројност поважни ќе бидат пораките што ќе им ги упатиме на граѓаните“, рече српскиот претседател.

Свет | пред 1 седмица

(Видео) Белград врие: Илјадници студенти и граѓани на улица против Вучиќ

Студентското движење во Србија денеска го започна големиот протестен собир во Белград под слоганот „Студентите победуваат“, со јасна порака:барање за предвремени парламентарни избори и демократизација на државата. Илјадници граѓани од повеќе српски градови уште од пладневните часови се собираат на улиците на српската престолнина, а централниот протест е најавен на плоштадот Славија од 18 до 20 часот.Колони студенти и граѓани од Шабац, Кула и други градови веќе пристигнаа во Белград, носејќи транспаренти и пораки против власта на српскиот претседател Александар Вучиќ.Дел од демонстрантите порачаа дека „Србија не смее повеќе да живее во страв и притисоци“.Во исто време, во таканаречениот „Ќациленд“ кај Пионерскиот парк, се организира контрасобир на поддржувачите на владејачката Српска напредна странка. Според српските медиуми, во околината биле забележани и мажи со маски и калулки на кровот на зградата на Народната банка на Србија, што дополнително ја подгреа тензијата пред вечерашниот протест.Дополнителен сомнеж и револт во јавноста предизвика и одлуката за прекин на железничкиот сообраќај низ Србија, откако, според официјалното соопштение, била добиена анонимна дојава за поставени експлозивни направи во возови и депоа. Опозициски претставници и дел од студентите се сомневаат дека станува збор за обид да се намали масовноста на протестот.Според сведоштва објавени на социјалните мрежи, и дел од трамваите во Белград биле повлечени во гаражите без официјално известување, што дополнително ја подгреа атмосферата на неизвесност и недоверба.Додека Белград се подготвува за една од најтензичните вечери во последните месеци, вниманието на целиот регион е вперено кон Србија и пораката што денес ќе ја испратат студентите и граѓаните од улиците на главниот град.

Свет | пред 1 седмица

(Видео) „Ние сме со Вучиќ“: Жители на Куманово вееја знамиња за да го поддржат српскиот претседател

Граѓани денеска се собраа во Куманово на собир за поддршка на српскиот претседател Александар Вучиќ, организиран од здружението „Мир, слога, стабилност“.На собирот беа развиорени македонски и српски знамиња, а присутните носеа и транспаренти со пораки „Ние сме со Вучиќ“ и „Куманово уз Вучича“.Од здружението порачаа дека целта на собирот не е ширење национализам, туку испраќање порака за заедништво и меѓусебна почит.Денеска, во соседна Србија, неформалната група „Студенти во блокада“ организира голем собир на белградскиот плоштад „Славија“, на кој своето присуство го најавија академици, активисти и многубројни граѓани од сите делови на Србија. Централниот протест е закажан за периодот од 18 до 20 часот, но нему ќе му претходат масовни собири на четири клучни локации во главниот град, од каде што колоните демонстранти ќе се упатат кон „Славија“.

Македонија | пред 1 седмица

Телото било запалено и бетонирано: Србија во шок по мафијашката ликвидација

Српскиот претседател Александар Вучиќ синоќа на РТС се осврна на бруталното убиство кое ја потресе Србија, откако кај Инѓија беше пронајдено тело во закопано буре, за кое постојат сомнежи дека е на Александар Нешовиќ Баја.Според српските медиуми, Нешовиќ бил убиен на 12 мај во ресторанот „27“ на белградски Сењак. Во случајот досега се уапсени десет лица, меѓу кои и началникот на Полициската управа за град Белград, Веселин Милиќ, кој истиот ден бил разрешен од функцијата.Обвинителството се сомнева дека токму Милиќ телефонски го повикал Нешовиќ да дојде во ресторанот и му предложил да не носи обезбедување. Според истрагата, Нешовиќ првично се премислил кога ги видел возилата на осомничените, но по нов повик од Саша Вуковиќ Боске, со кого бил во конфликт, повторно се вратил и седнал на маса. Обвинителството сомничи дека Вуковиќ потоа извадил пиштол и испукал повеќе куршуми кон него.„Ова го направиле монструми. Тоа не се луѓе. Без разлика за кого станува збор, никој не смее да заврши на ваков начин“, изјави Вучиќ.Тој најави „најжестока можна борба“ против криминалот и корупцијата во полицијата.„Сите кои учествуваат во заштита на криминалци ќе мора да ја напуштат работата. Не сакаме тајкунска полиција која ќе работи приватни работи“, рече Вучиќ.Според него, осомничените се обиделе да ги доведат истражителите во заблуда, тврдејќи дека телото е фрлено во Сава, додека всушност било закопано кај Инѓија.„Специјалците пронајдоа траги од запалено дрво и материјал. Бурето било пресечено на половина, телото згрчено и запалено, а потоа сè било бетонирано во некаква гаража“, изјави Вучиќ.Тој додаде дека осомничените по злосторството се вратиле во кафуле и пиеле пијалак.„Можете да замислите со какви монструми имаме работа“, рече српскиот претседател.Вучиќ изјави и дека е незадоволен од состојбата во делови од безбедносниот систем.„97 проценти од полицајците се чесни луѓе, но поради тие три проценти валкани полицајци, кои сите ги знаат, повеќе нема да можат да ја работат таа работа“, порача тој.На крајот, Вучиќ оцени дека Србија и понатаму е една од најбезбедните земји во Европа, но призна дека проблемот често се наоѓа во раководните структури.„Сакам уредена држава во која вакви работи никогаш повеќе нема да се случуваат“, изјави Вучиќ.

Свет | пред 1 седмица

По најавата за собир за Вучиќ во Куманово, Мицкоски порача: „Не поддржувам надворешно мешање“

Премиерот Христијан Мицкоски вели дека не поддржува никакво надворешно мешање во внатрешните политики на Македонија, коментирајќи го најавениот собир во Куманово за поддршка на српскиот претседател Александар Вучиќ.На новинарско прашање дали собирот го смета за мешање во внатрешните работи на државата, како што обвинува опозицијата, Мицкоски одговори:„Апсолутно. Не поддржувам било какво надворешно мешање врз внатрешните политики во Македонија.“Тој додаде дека вакви случаи имало и претходно.„Како што тоа беше случај пред некој ден“, рече Мицкоски, мислејќи на протестите за правосуден испит да се полага на албански, на кој дојдоа лица од Косово и Албанија.Премиерот порача и дека Владата нема намера да се меша во внатрешните политики на други држави.„Но исто така, ние како Влада апсолутно немаме намера, ниту пледираме, ниту некогаш сме се мешале во внатрешните и независни политики на било која држава“, изјави Мицкоски.Претходно, на социјалните мрежи беше објавен повик за „народен собир“ во Куманово на 23 мај, пред Српскиот конзулат, под слоганот „Србија победува“, со поддршка за српскиот претседател Александар Вучиќ. На плакатите стои порака: „Дојдете да ја поддржиме нашата матица, нашиот претседател, нашата иднина“.

Македонија | пред 2 седмици

По Трамп и Путин, и Вучиќ во посета на Пекинг – тоа го потврдува силниот однос меѓу Србија и Кина

Претседателот на Српска напредна странка и советник на српскиот претседател, Милош Вучевиќ, ја оцени претстојната посета на Александар Вучиќ на Кина како исклучително важна за зајакнување на дипломатските и економските односи меѓу двете земји.Според Вучевиќ, фактот што Вучиќ патува во Пекинг веднаш по светски лидери како Доналд Трамп и Владимир Путин покажува висок степен на почитување и блиски односи меѓу српското и кинеското раководство.Тој најави дека од посетата се очекуваат нови инвестиции, економски проекти и договори поврзани со енергетиката.Меѓу темите што ќе бидат отворени, според Вучевиќ, е и соработката со Азербејџан за изградба на гасна електрана во Ниш.Покрај економските прашања, тој најави и средби со високи претставници на Комунистичката партија на Кина.Во своето обраќање, Вучевиќ се осврна и на внатрешно-политичките теми во Србија, критикувајќи ги најавените „студентски листи“, за кои рече дека зад нив не стојат вистински студенти, туку структури кои создаваат хаос и работат против интересите на државата.Тој порача дека СНС ќе понуди листа со млади луѓе и студенти кои, според него, навистина ќе ги застапуваат интересите на младите.Посебен акцент Вучевиќ стави и на претстојните избори во Косово и Метохија, закажани за 7 јуни, при што ги повика Србите масовно да гласаат за Српска листа.Воедно, тој упати критики и кон политичари кои, според него, со своите ставови му помагаат на косовскиот премиер Албин Курти.На крајот, Вучевиќ порача дека државата треба решително да се справи со, како што рече, деструктивните и криминални структури.

Свет | пред 2 седмици

Вучиќ: Србија и Азербејџан ќе соработуваат на изградба на гасна електрана во Ниш

Претседателот на Србија, Александар Вучиќ, престојува во Баку, каде што денеска започна 13. Светски урбан форум.„Во време на немилосрдни климатски промени, решението е инвестирање во декарбонизација и премин кон обновлива енергија. Многу светски градови се соочуваат со голем проблем со загадувањето“, изјави Вучиќ.Тој посочи дека во Белград е воведен бесплатен јавен превоз и дека Србија очекува користење електрични автобуси.„Нè радува и соработката со Азербејџан за изградба на гасна електрана во Ниш во иднина. Имаме два суперкомпјутери и трет што ќе пристигне во Крагуевац, а тоа значи дека Србија мора да го зголеми производството на енергија – нуклеарна, но се потпираме и на гасот од Азербејџан, и тоа ќе биде клучно“, рече српскиот претседател.Тој додаде дека неодамна бил усвоен закон за легализација на објекти.„Градовите се средина каде што се поттикнуваат иновативноста и унапредувањето на секојдневниот живот“, изјави Вучиќ.Говорејќи за Експо 2027, тој истакна дека Србија, како домаќин, ќе обезбеди платформа за повеќе од 140 држави од светот.„Ќе дадеме можност да се претстават конкретни иновативни решенија, а тоа вклучува и нови генерации паметни летала и авиони“, заклучи Вучиќ.Светскиот урбан форум ќе трае до 22 мај на стадионот „Баку олимписки стадион“, под мотото „Домување во светот: Безбедни и отпорни градови и заедници“, во организација на УН-Хабитат.Форумот се смета за еден од најзначајните глобални собири посветени на иднината на градовите, урбанизацијата и одржливиот развој.

Балкан | пред 2 седмици

Вучиќ за случајот со Баја: Знаеме дека лицето е застрелано, таа приказна „нема тело нема дело“ е имбецилна

Телото на Александар Нешковиќ – Баја не е пронајдено, рече предмалку претседателот на Србија Александар Вучиќ. Во врска со неговото исчезнување е уапсен шефот на белградската полиција Веселин Милиќ, кој е отстранет од позицијата и доби 30-дневен притвор.„Ги молам новинарите да не излегуваат во јавноста со непроверени информации. Неколку медиуми објавија дека е пронајдено телото на убиениот човек. И знаеме дека лицето е застрелано, ништо не може да се скрие со перење на чаршафите или подот, технологијата напредна се појавуваат флуоресцентни траги, ништо не успеале да скријат. Таа приказна „нема тело нема дело“ е имбецилна. И по тоа прашање се однесувавме многу професионално и одговорно, не подлегнувајќи на притисокот од оние кои имаат лични причини да зборуваат лошо за претходниот началник на белградската полиција, рече Вучиќ.Зборувајќи за настанот што ја вознемири српската јавност во Сењак, тој додаде:-Сè уште не сме го пронашле телото, потрагата е интензивна, цели единици пребаруваат. Мислиме дека ја познаваме областа, а огромен број луѓе се ангажирани.Според досега објавеното во српките медиуми, во вторникот на 12 мај годинава, началникот Милиќ повикал двајца криминалци на средба во ресторан, наводно за да ги смири бидејќи тие имале претходни меѓусебни недоразбирања. Но, едниот од нив, пред очите на Милиќ, извадил пиштол, го убил вториот криминалец, а потоа луѓето од обезбедувањето на началникот, помогнале телото да се извади од ресторанот, го запалиле покрај автопат и се ослободиле од снимките од камерите во ресторанот.Според извори од Министерството за внатрешни работи, Веселин Милиќ на 12 мај договорил средба во ресторан во Сењак за двајца криминалци – Александар Нешовиќ – Баја и Саша Вуковиќ-Боске. Средбата била „за да ги поправат нивните нарушени односи“.Милиќ наводно го чекал Нешовиќ во ресторанот заедно со Вуковиќ. Кога пристигнал Нешовиќ, набрзо избувнала вербална расправија меѓу двајцата. Саша Вуковиќ испукал неколку куршуми кон Нешовиќ пред очите на Милиќ. Според „Данас“, членовите на обезбедувањето на Милиќ, кои се полицајци, му помогнале на Вуковиќ да го однесе онесвестениот Нешовиќ. Исчезнувањето на Нешовиќ го пријавила неговата сопруга, која изјавила дека тој отишол во ресторанот.Според „Данас“ двајца од тројцата полицајци што го обезбедувале Веселин Милиќ, заедно со Вуковиќ, го извадиле телото од ресторанот и го фрлиле покрај автопатот кај Шимановац, каде што го запалиле, додека Милиќ и друг полицаец останале во ресторанот за да отстранат траги и видео снимки од безбедносните камери. Уапсен е и келнерот од ресторанот.По Вучиќ, во врска со инцидентот во Сењак, изјава денеска даде и директорот на полицијата, Драган Васиљевиќ.-Во врска со инцидентот во Сењак, распореден е максимален полициски капацитет, од моментот кога лицето е пријавено како исчезнато. Полицијата ги собира и ги обезбедува сите докази од местото на настанот и други точки што ни се сомнителни. Станува збор за сомневање дека се извршени неколку сериозни кривични дела. Полицијата спроведува ефикасна истрага. Нема заштитени лица и нема да има. Тоа ќе го покажеме во акција. Вкупно се приведени 10 лица. Меѓу нив се и четворица полицајци. Во тек е интензивна потрага за пронаоѓање на телото, доколку се докаже и покаже дека лицето е лишено од живот, рече Васиљевиќ.Тој додаде дека повеќе од 200 припадници на полицијата работат на решавање на овој случај.-Се надеваме дека во наредните часови ќе имаме повеќе информации за ова. Апелирам и го повторувам она што го кажа претседателот, да почекате додека не добиете информации од Министерството за внатрешни работи или од обвинителството, истакна Васиљевиќ.

Свет | пред 2 седмици

Вучиќ: Приказната „нема тело, нема дело“ е имбецилна

Српскиот претседател Александар Вучиќ изјави дека сè уште не е пронајдено телото на лицето кое се води како исчезнато по пукањето во ресторанот „27“ во белградската населба Сењак.Во рамки на истрагата досега се уапсени десет лица, меѓу кои и поранешниот началник на белградската полиција Веселин Милиќ.Вучиќ ги демантираше медиумските информации дека покрај автопатот кај Шимановци било пронајдено телото на Александар Нешовиќ Баја.„Сè уште не знаеме дали лицето е убиено, но сигурно знаеме дека имало пукање“, изјави Вучиќ.Тој рече дека истражителите пронашле траги од крв и покрај обидите доказите да бидат исчистени.„Приказната ‘нема тело, нема дело’ е имбецилна“, порача српскиот претседател.Директорот на српската полиција Драган Василевиќ изјави дека на случајот работат повеќе од 200 полицајци и специјални единици кои пребаруваат пошироко подрачје околу Белград.Според него, истрагата се води по налог на Вишото јавно обвинителство, а полицијата собира докази од местото на настанот и други сомнителни локации.

Свет | пред 2 седмици

Вучиќ со обраќање до граѓаните на Црна Гора: „Извинете што ве сакавме повеќе отколку вие нас“

Претседателот на Србија, Александар Вучиќ, во историско обраќање до граѓаните на Црна Гора, во авторски текст објавен на порталот „Борба“, изнесе пет клучни ставови на Србија.На почетокот од текстот, Вучиќ истакна дека одлучил да им се обрати на граѓаните на Црна Гора по повеќегодишните лаги за Србија, нејзиното раководство, односот на Србија кон Црна Гора, како и по години на, како што наведе, „највалкани кампањи“ против него и неговото семејство.Како прва точка ја издвои: „Вистините и лагите за српскиот притисок врз црногорската независност и наводното мешање во внатрешните работи на Црна Гора“.Тој посочи дека со децении се слушаат приказни за мешање на Србија во сите работи во Црна Гора, за политички притисоци на дневно ниво, желба за ширење на територијата на сметка на Црна Гора, ширење големосрпски и антицрногорски идеи и загрозување на државноста на Црна Гора.„Но, како се мешаме и со што ѝ се закануваме на Црна Гора?“, праша Вучиќ.Тој потсети дека Србија ја прифатила секоја одлука на граѓаните на Црна Гора на демократски и цивилизиран начин, вклучително и одлуката за распад на заедничката држава, резултатите од референдумот за отцепување, па сè до влезот на Црна Гора во НАТО.„Ве доживувавме како сестри и браќа и сакавме да живееме во иста држава со вас. Признавам, виновни сме и извинете што ве сакавме повеќе отколку вие нас“, напиша Вучиќ.Како второ клучно прашање, Вучиќ постави: „Дали Србија го загрозувала територијалниот интегритет на Црна Гора или Црна Гора на Србија?“Тој нагласи дека Србија го почитува територијалниот интегритет и суверенитетот на Црна Гора и никогаш не го довела во прашање, додека Црна Гора, како што рече, само две години по напуштањето на државната заедница со Србија, ја прекршила Повелбата на Обединетите нации со признавањето на независноста на Косово.„Не ѝ одзеде Србија 14 проценти од црногорската територија, не бараше Србија ниту Пљевља, ниту Беране, ниту кое било друго место во Црна Гора, ниту ќе бара. Црна Гора, братски, веројатно токму затоа што Србија ја почитува Црна Гора, ги призна Призрен, Грачаница, Дечани и Пеќката патријаршија како дел од некоја друга, а не српска држава. И не се буниме, и понатаму ве сакаме и ве доживуваме како браќа, само немојте да ни зборувате дека ние нешто ви одземаме“, истакна Вучиќ.Потоа праша: „Што тоа Србија направи против Црна Гора, или можеби никогаш не направила?“Одговарајќи на тоа прашање, српскиот претседател посочи дека Србија никогаш, ниту посредно ниту непосредно, не ја обвинила Црна Гора или некого во Црна Гора за геноцид, додека политичари од Црна Гора трипати носеле резолуции за наводен геноцид извршен од Србите.„Патем, Србија смета дека Зоран Гопчевиќ заслужил базенот да го носи неговото име, Србија смета дека жртвите од Лора заслужуваат правда, Србија не ви го бара ниту бродот ‘Јадран’ што го изградил кралот Александар, нема да ја бараме ниту Превлака, па поради сето тоа не заслужуваме почитување, туку презир“, наведе Вучиќ.Тој порача и дека Србија нема да ја менува својата пријателска и братска политика.Четвртата клучна порака до граѓаните на Црна Гора се однесуваше на европскиот пат и прашањето „кој кого сопнува“.Вучиќ истакна дека ѝ посакува на Црна Гора успех на тој пат, и покрај тоа што, како што рече, секој состанок на црногорските функционери започнува и завршува со истакнување на разликите меѓу Црна Гора и Србија.„Ви посакуваме среќа во Европа, во НАТО, секаде каде што сакате. И ќе ви честитаме за сè. И ќе се радуваме на вашите успеси. Само не нè терајте да се радуваме на политика и резултати од политика насочена против Србија и српскиот народ. Сешто сме, мазохисти не сме“, порача Вучиќ.Последната порака на Вучиќ до народот и властите на Црна Гора беше одговор на прашањето – што Србија очекува од Црна Гора и што е подготвена да понуди?„Ја почитуваме и ќе ја почитуваме Црна Гора и нејзините граѓани. Ја напуштивте нашата заедничка фамилија и вашата одлука, повторувам, ја почитуваме. Единствено што ве молиме е, кога станува збор за српскиот јазик и српските национални обележја, да покажете почит кон една третина од вашето население, барем онолку колку што покажувате кон припадниците и политичките претставници на народите кои ви станаа придружни браќа и помагачи на европскиот пат. Само тоа. И ништо повеќе“, наведе Вучиќ.Тој својот авторски текст го заврши со реченицата: „Нека живее пријателството меѓу Србија и Црна Гора“.

Свет | пред 2 седмици

Црна Гора и Србија во жестока дипломатска расправија по изјавата на Вучиќ

Вистинска дипломатска расправија избувна меѓу министерствата за надворешни работи на Црна Гора и Србија, откако српскиот претседател Александар Вучиќ соопшти дека нема да присуствува на прославата на 20 години од обновувањето на црногорската независност.Вучиќ изјави дека со прославата се „слави отцепувањето од Србија“ и додаде дека со присуство на таков настан „би си плукнал во лице“.На тоа реагираше црногорското Министерство за надворешни работи, оценувајќи дека Вучиќ продолжува со реторика што не придонесува за добрососедски односи.Од Подгорица порачаа дека Црна Гора не се „отцепила“ од Србија, туку дека двете држави биле рамноправни членки на државната заедница по распадот на СФРЈ.„Црна Гора не ја слави независноста против никого, туку слободно изразената волја на своите граѓани“, соопшти црногорското МНР.Српското Министерство за надворешни работи возврати дека Белград нема да молчи пред „обидите за бришење на историската вистина“ и оцени дека Вучиќ само изнел лично мислење без навреди кон Црна Гора.Потоа следуваше нова реакција од Подгорица, каде повторно беше нагласено дека прославата е посветена на слободата и правото на двете држави самостојно да одлучуваат за својата иднина.Црна Гора на 21 мај ќе одбележи 20 години од обновувањето на независноста, а прославата ќе кулминира со концерт на Рики Мартин во Подгорица.

Свет | пред 2 седмици

Вучиќ за претстојните избори: „Граѓаните ќе изберат – распарчување на земјата или развој и слобода“

Претседателот на Србија, Александар Вучиќ, порача дека граѓаните на претстојните избори ќе имаат избор меѓу две, како што наведе, целосно спротивставени опции.„На изборите, кога и да бидат, луѓето ќе избираат меѓу враќање во минатото, грабеж и распарчување на државата или ќе продолжиме по патот на развојот и слободата“, напиша Вучиќ на Инстаграм.Тој изјавил во Батровци дека пред граѓаните наскоро се „одлучувачки и судбински избори“ за иднината на Србија, на кои ќе се одлучува дали државата ќе оди кон иднината или ќе се врати во минатото.Обраќајќи им се на насобраните граѓани, Вучиќ истакнал дека станува збор за избори што ќе ја определат иднината на земјата.„Дали ќе ја вратиме власта во рацете на оние што ја уништија државата, кои 12 години ја разоруваа, кои Србите ги продаваа на Хашкиот трибунал, кои ја уништија економијата и отпуштија 550.000 луѓе, ги затворија фабриките, додека народот стануваше посиромашен, а тие побогати“, изјавил Вучиќ.Тој додал дека не смее повторно да им се дозволи на тие луѓе да управуваат со државата и да се пресметуваат со сите што, според него, биле поуспешни од нив.

Балкан | пред 3 седмици

Вучиќ реагираше на навредите кон неговиот син

Српскиот претседател Александар Вучиќ за време на посетата на Шид се осврна на, како што рече, навредите и нападите што со години ги трпат тој и неговото семејство од дел од медиумите и корисниците на социјалните мрежи.Посебно реагираше на коментарите насочени кон неговиот најмлад син, кого ретко го прикажува во јавноста, а дел од критичарите на интернет го нарекуваат „холограм“.„Сè најлошо што можевте ми кажавте за татко ми, мајка ми, за секое дете... Зошто го сликам од грб? За некој од вас, кретени, да не го препознае, да не му ги гледате тие ангелски очи“, изјави Вучиќ.По неговото обраќање, на Инстаграм бил објавен видеоклип со дел од говорот, проследен со коментар што предизвика нови реакции на социјалните мрежи.Во Србија веќе подолго време постојат силни политички и медиумски поделби, а семејството на претседателот често е тема на јавни расправи и критики.

Свет | пред 3 седмици

Вучиќ претстави план во пет точки: Србија може да стане пример и за поголемите држави

Претседателот на Србија, Александар Вучиќ, претстави план во пет точки за идниот развој на државата, најавувајќи реформи во економијата, образованието, енергетиката и јавната администрација, како и борба против ароганцијата и злоупотребата на моќта.Вучиќ оцени дека светот се менува побрзо од кога било и дека Србија мора да се приспособи на новите глобални околности, особено во услови на силна конкуренција меѓу САД и Кина и променетата позиција на Европа.Тој посочи дека циклусот од 2014 до 2026 година е завршен со, како што наведе, историски економски резултати. Според него, невработеноста е намалена од 26 на осум проценти, а бруто-домашниот производ пораснал од 32 на речиси 100 милијарди евра.Сепак, српскиот претседател нагласи дека се неопходни нови и длабоки промени за да се задржи економскиот раст и да се подобри животниот стандард.Во првата точка од планот, Вучиќ предлага драстично намалување на бројот на министри, државни секретари и други функционери, како и укинување агенции и институции кои, според него, немаат суштинска улога.Втората точка се однесува на зголемување на продуктивноста и работната ангажираност. Вучиќ порача дека Србија ќе мора „да работи повеќе, а не помалку“, отфрлајќи ги идеите за скратување на работното време.Третата точка предвидува целосна реформа на образовниот систем, со поголема отвореност кон светот и посилно воведување на дуалното образование, со цел младите подобро да се подготват за пазарот на трудот.Во четвртата точка, Вучиќ најавува сеопфатен пристап кон енергетиката, вклучително и употреба на нуклеарна енергија. Тој смета дека Србија нема да може да обезбеди долгорочна енергетска стабилност без изградба на мали и големи нуклеарни постројки.Петтата точка се однесува на забрзан развој на роботиката, вештачката интелигенција и современите технологии, како и продолжување на инвестициите во суперкомпјутери и дата-центри.Осврнувајќи се на состојбите во општеството, Вучиќ призна дека власта не успеала да ги ослободи граѓаните од, како што наведе, ароганцијата и бахатоста на поединци на функции.„Не успеавме да им се спротивставиме на самобендисаните и арогантни властодршци, препознатливи по реченицата – „Знаеш ли кој сум јас?“, наведе Вучиќ, додавајќи дека никој не смее да биде понижуван или непочитуван.Тој призна и лична одговорност, оценувајќи дека премногу внимание било посветено на економските резултати, а недоволно на човечноста, емпатијата и односот кон обичните луѓе.Во текстот, Вучиќ ја критикуваше и опозицијата, оценувајќи дека во изминатата година покажала повеќе ароганција и суета отколку власта, без јасна програма и конкретни резултати.На крајот порача дека Србија се наоѓа пред период на големи промени и дека државата мора да ја менува не само инфраструктурата, туку и свеста и односот кон општеството и иднината.

Балкан | пред 3 седмици

Вучиќ: Денес имаме со што да одиме во војна, Србија е посилна од кога било

Претседателот на Србија Александар Вучиќ изјави дека земјата денес има значително поголеми одбранбени капацитети, но порача дека не сака војна и останува посветен на мирот.„Денес сме многу посилни и затоа никој нема да нè нападне, но мора да продолжиме да се зајакнуваме. Сега би имале со што да одиме во војна, но не сакам војна, затоа што на граѓаните им ветив мир“, изјави Вучиќ.Тој оцени дека Србија е повеќекратно посилна отколку пред 15 години, нагласувајќи дека зајакнувањето на војската е резултат на економскиот раст и инвестициите во одбранбениот сектор.Според него, земјата располага со значајни количества оружје и воена опрема, вклучително и набавки од Израел, што дополнително ја зголемило борбената готовност.Вучиќ најави дека претстојната посета на Кина ќе биде една од најважните во неговата политичка кариера. Таму, како што рече, ќе се сретне со претседателот Си Џинпинг, кој во наредниот период ќе биде домаќин и на лидерите на САД и Русија, Доналд Трамп и Владимир Путин.Во фокусот на разговорите, како што посочи, ќе бидат роботиката, вештачката интелигенција, воено-техничката и економската соработка, инфраструктурата, како и реформите во образованието.Говорејќи за Косово, Вучиќ истакна дека прашањето повторно е на преговарачката маса, но нагласи дека Србија нема да влезе во воен конфликт и ќе продолжи со политика на соработка со различни партнери.

Свет | пред 4 седмици