(Видео) Вучиќ објави видео како подготвува сендвич: „Јас сум човек од народот“

Поранешниот српски претседател Александар Вучиќ објави ново видео на социјалните мрежи, во кое се снима како подготвува сендвич во седиштето на Српската напредна странка (СНС).

— реклама —

Во снимката Вучиќ потпечува леб, сече домат и подготвува сендвич со путер, сирење и сувомесни производи. Притоа се опишува себеси како едноставен човек од народот и најавува борба против, како што вели, „големото зло“ што ѝ се заканува на Србија.

„За разлика од другите, јас сум човек од народот – едноставен, рурален тип. Малку ќе го потпечам лебот, ќе ставам путер и сирење, ќе додадам сувомесни производи и – ете – врвен ручек“, вели Вучиќ во видеото.

— реклама —

Тој им се обрати и на присутните во партиското седиште, посочувајќи дека секој има можност да си подготви сендвич и дека сите се добредојдени.

— реклама —

„Ќе продолжиме вредно да работиме. Ајде да се бориме против ова големо зло што веќе започна и се заканува да предизвика уште поголем хаос во нашата земја“, порача Вучиќ.

Внимание привлече и неговата облека. Според пишувањата на некои медиуми, фармерките што ги носи во видеото чинат меѓу 900 и 1.200 евра, зависно од моделот.

— реклама —