Вучиќ не се плаши од апсење: „Не потпишувам ништо во врска со пари“

Поранешниот српски претседател Александар Вучиќ тврди дека нема причина да стравува од апсење, бидејќи, како што вели, никогаш не потпишувал документи поврзани со финансиски средства, пренесува „Данас“.

— реклама —

Во гостувањето на телевизијата „Пинк“, Вучиќ изјавил дека против него не може да се пронајдат докази за каква било незаконска активност.

„Јас не потпишувам и не работам ништо во врска со пари и за тоа не може ништо да се најде. Не знам дали ме разбирате. Можете да барате дали тој (Вучиќ) некому нешто му кажал. Буквално, баба си ја предела волната за да ѝ помине денот. Немаат ништо“, изјавил тој.

— реклама —

Неговите изјави доаѓаат по изборниот пораз на Вучиќ и неговата Српска напредна партија (СНС) од „Студентската листа“ на изборите во Србија.

— реклама —

Претставникот на листата и професор на Хемискиот факултет во Белград, Радомир Саичиќ, ги претставил приоритетите на најавената нова влада, меѓу кои ги издвоил декриминализацијата, борбата против корупцијата и професионализацијата на службите.

Саичиќ најавил и донесување буџет за 2027 година, со посебен акцент на поголема транспарентност во трошењето на јавните средства. Меѓу најавените мерки се и објавување на договорите за големите државни проекти, построг надзор за спречување корупција и враќање на незаконски стекнатиот имот.

— реклама —

Тој ја посочил и клучната улога на обвинителството во утврдувањето на одговорноста.