Српски државјанин ќе се удавеше во Грција, му се слошило во морето и бил извлечен без свест и без пулс

Драма се одвивала во близина на пристаништето Ставрос кај Солун, каде од морето бил извлечен 29-годишен државјанин на Србија во бесознание и без пулс.

— реклама —

На инцидентот прв реагирал сопственикот на бар во близина на плажата, кој веднаш започнал кардиопулмонална реанимација. Набрзо му се придружиле и членови на Доброволниот спасувачки тим од Волвија.

— реклама —

Со непрекината масажа на срцето и давање кислород, спасувачите успеале да му го вратат срцевиот ритам, по што 29-годишникот почнал повторно спонтано да дише.

Волонтерите продолжиле со укажување помош и презеле мерки за спречување на хипотермија сè до пристигнувањето на мобилната екипа на грчката итна медицинска помош – ЕКАВ.

— реклама —

За време на реанимацијата била користена опрема за итна помош, меѓу која маска за вештачко дишење и автоматски надворешен дефибрилатор (AED).

— реклама —

Екипата на ЕКАВ потоа го презела младиот човек во релативно добра состојба и го пренела во болница, со помош на припадници на крајбрежната стража.