Пожарот што ја зафати областа Перистерија на грчкиот остров Саламис, во близина на Атина, е ставен под контрола, но пожарникарите и натаму се на терен поради опасност од повторно разгорување.
Екипите се распоредени на повеќе локации и интервенираат на преостанати жаришта и места зафатени со чад, објави EPT News.
Според грчкиот портал „Катимерини“, во пожарот што избувна во неделата загинале најмалку две лица, додека 10 биле повредени. Од крајбрежните области Сатерли и Колонес биле евакуирани 502 лица.
Пожарот предизвикал сериозна материјална штета во Перистерија. Некои објекти биле речиси целосно уништени, а на одделни места останале само изгорени делови од зградите, поради што тешко може да се утврди дали станувало збор за станбени или деловни простории.
Значително оштетени се и возила што биле паркирани во близина на погодените објекти.
