Стармер открива што била целта на состанокот со Мицкоски: Ги собрав лидерите за да го решиме проблемот со мигрантите

Премиерот на Велика Британија, Кир Стармер, на социјалните медиуми напиша за што се разговарало на средбата со премиерот Христијан Мицкоски и која е целта на овие средби и состаноци кои британската Влада ги има со лидерите од регионот.

— реклама —

Тој открива дека главната тема биле мигрантите.

— реклама —

„Низ Западен Балкан има криминален автопат, кој ги води нелегалните мигранти директно во Велика Британија.Нашата задача е да го затвориме и да ги разбиеме организираните шверцерски банди што го водат. Денес ги обединувам земјите за да се справат со овој заеднички предизвик”, напиша Стармер.

Во објавата на Мицкоски никаде не се споменува зборот мигранти иако неговиот британски колега на Х објави дека тоа било главната и единствена тема.

— реклама —

„На средбата разговаравме за продлабочување на билатералната соработка и поддршката на Обединетото Кралство на земјите од регионот”, стои во објавата од Мицкоски.

— реклама —

Вчера пак тиражниот британски Тајмс објави дека Македонија е една од државите од кои Стармер бара да изградат мигрантски центри но и дека македонскиот премиер одбил да даде интервју.