Промени тема
Контакт
Најнова епизода Сведоштва за полициско шамарање во Охрид: Едниот натепан на паркинг, малолетник во нива | Претрес Гледај на LANDOV.MK

Стопанска комора бара одложување на правилата за котација и кодекс за управување

Скопје1.мк's avatar
Автор: Скопје1.мк

објавено пред 4 години -

Македонија
stopanska-komora-720x406-1

Стопанската комора, поддржана од 20 свои реномирани членки, коишто се меѓу најголемите економски чинители во земјата, бара од „Македонска берза“ да се одложи примената на одлуката со којашто се вршат измени и дополнувања на правилата за котација и кодексот за корпоративно управување на акционерските друштва котирани на „Македонската берза АД Скопје“.

— реклама —

Најголемата бизнис-асоцијација во државата изминатиов период со две иницијативи се обрати до „Македонска берза“ со коишто споменатите правила и кодекс се бара да се одложат и нивната примена да почне напролет во 2023, а за тоа да се вгради соодветна изјава во годишните изјави за работа за 2022 година. Измените и дополнувањата на правилата за котација и кодексот за корпоративно управување на акционерските друштва котирани на „Македонската берза АД Скопје“ стапија на сила на 26 октомври 2021 година.

— реклама —

Компаниите членки на Стопанската комора укажуваат дека на 3 ноември годинава доставиле иницијатива за одложување до „Македонска берза“, притоа подвлекувајќи дека кодексот е донесен без претходни консултации со бизнис-заедницата. Иако од берзата го тврдат спротивното, овој пат 20 компании, со свои потписи потврдуваат дека, сепак, консултации не се извршени и уште еднаш бараат одложување на правилата и кодексот.

— реклама —

Членките на Стопанската комора, што се дел од оваа иницијатива, укажуваат дека условите за работа се исклучително тешки. Покрај здравствената криза што трае речиси две години, тие се соочени и со економска и со енергетска криза. Сите овие процеси наметнуваат превземање чекори со цел да се одржи деловната активност, зголемување на конкурентноста и продуктивноста, како и настапот на странски пазари.

— реклама —

Имајќи го тоа предвид, Стопанската комора бара од „Македонска берза“ да излезе во пресрет, да покаже разбирање и да ја прифати оваа иницијатива.

Сподели

Сподели
Сподели
Сподели
Сподели
Сподели
Сподели
Сподели како слика
Google Постави го Скопје1 за твој Google извор
Согласност за колачиња (cookies)

Нашата веб-страница користи колачиња за подобрување на корисничкото искуство и анализа на сообраќајот.

Дознај ексклузивно и прв

Прв ќе ги дознаваш ударните и вонредните случувања