Студено утро, Берово и Попова Шапка со –5 степени

Утрово во земјава осамна со минусни температури, при што најстудено беше во Берово и на Попова Шапка со измерени –5 степени. Температура од –4 степени е регистрирана во Битола, Маврови Анови, Демир Капија, Крушево, Крива Паланка и на Скопје – Петровец, додека –3 степени се измерени во Струмица, Претор, Штип и Прилеп.

— реклама —

Во Велес, Охрид, Тетово и Виница минималната температура изнесуваше –2 степени, во Скопје – Зајчев Рид, Пожаране и Тополчани –1, а највисока утринска температура од 0 степени е измерена во Ѓуриште и Гевгелија.

— реклама —

— реклама —

Според прогнозата, претпладне времето ќе биде претежно облачно, додека попладне се очекува сончево со умерена облачност. Во западните делови ќе дува слаб до умерен ветер претежно од јужен правец, а во источните од северозападен правец. Максималната температура ќе се движи во интервал од 9 до 16 степени.

— реклама —

Во Скопје, претпладне ќе биде претежно облачно, а попладне сончево со умерена облачност. Ќе дува слаб ветер од променлив правец, а максималната температура ќе достигне до 11 степени.