Студено утро со минусни температури, 88 сантиметри снег на Попова Шапка

Утрово најниска минимална температура од минус 4 степени е измерена во Берово, додека минус 3 се регистрирани на Попова Шапка и минус 2 во Маврови Анови, Битола и Струмица. Минус 1 степен е измерен во Скопје-Петровец, Охрид, Тетово, Крива Паланка и Крушево.

— реклама —

Нула степени се измерени во Демир Капија, Претор, Прилеп, Велес и Пожаране, додека 2 степени во Ѓуриште, Виница, Кавадарци и Гевгелија. Најтопло утрово со 3 степени било во Куманово, Штип и на Скопје-Зајчев Рид.

— реклама —

Снежна покривка има само на Попова Шапка, каде се измерени 88 сантиметри снег.

— реклама —

Времето денеска ќе биде сончево со мала до умерена локална облачност. Ќе дува слаб до умерен северен ветер, кој долж Повардарието повремено ќе засилува, особено во претпладневните часови. Максималната дневна температура ќе се движи во интервал од 9 до 16 степени.

— реклама —

Во Скопје ќе преовладува сончево време со мала до умерена облачност и слаб до умерен ветер од северен правец. Максималната температура во главниот град ќе достигне до 14 степени.