Ниски утрински температури под нулата може да ги уништат насадите од цреши, јаболка, кајсии, ореви и лозови насади. Сопствениците на овоштарници коментираат дека и покрај преземените мерки за заштита сепак доколку потрае стиденото време штетите ќе бидат големи.
Иако во вакви случаеви најдобра заштита е осигурувањето на земјоделските површини од елементарни непогоди, сепак мал е бројот на земјоделци кои ги осигуруваат површините што ги обработуваат. Причината за тоа тие ја гледаат во осигурителните компании кои не сакаат да вршат осигурување од мраз и дека основицата на осигурувањето е превисока.
Слична беше сликата и минатата година кога во истиот овој период мразот предизвика големи штети на овошките и лозовите насади во охридскиот регион.
Засега студот не се очекува да предизвика проблеми кај житните култури. Како што велат агрономите на есенските житни посеви евентуална снежна покривка им е повеќе од потребна. .
