Судир меѓу „пежо“ и мотор „БМВ“ – млад мотоциклист со тешки повреди

Mлад мотоциклист е тешко повреден во сообраќајна несреќа што се случила на улицата „Лазар Трповски“ во Скопје, информираат од Министерството за внатрешни работи.

— реклама —

Несреќата била пријавена на 17 април 2026 година во 14:15 часот во СВР Скопје, а во неа учествувале патничко возило „пежо“ со кумановски регистарски ознаки, управувано од Л.А. (40) од село Матејче, липковско и мотоцикл „БМВ“ со скопски регистарски ознаки, управуван од А.С. (20) од Скопје.

— реклама —

Во судирот било оштетено и паркирано возило „фолксваген“, сопственост на К.А. (49) од село Глуво, скопско.

— реклама —

Со тешки телесни повреди се здобил мотоциклистот А.С., кои биле констатирани во Ургентниот центар при Комплекс клиники „Мајка Тереза“ во Скопје. Со телесни повреди се здобил и неговиот сопатник, кој бил прегледан во ЈЗУ „Св. Наум Охридски“.

Од МВР информираат дека увид на местото на несреќата извршила увидна екипа од СВР Скопје.