Судот одреди 30-дневен притвор за македонската државјанка осомничена дека прегазила куче

Основниот суд во Улцињ ѝ одреди 30-дневен притвор на 46-годишната македонска државјанка Сашка Стојановска, која е осомничена за кривичното дело убивање и мачење животни и уништување на нивното живеалиште.

— реклама —

— реклама —

Според црногорската полиција, на 24 јули таа со автомобил „Мерцедес“ намерно прегазила куче од расата шарпланинец, по што се обидела да ја напушти државата. Била запрена на граничниот премин Сукобин – Муриќани и приведена.

— реклама —

Одбраната, пак, ја оспорува оваа верзија на настанот. Според нивните тврдења, шарпланинецот претходно го усмртил нивното куче од расата ших-цу и ги нападнал Стојановска и нејзиниот малолетен брат, поради што возилото било употребено за да се оттурне животното.