Министерот за локална самоуправа, Горан Милевски, смета дека со гласањето во Обединетите нации се изолирал, како што вели: „режимот на Путин во светски рамки“. Изминативе денови тој постојано ја изразува поддршката за Украина.
„Цел свет кажа, стоп на агресорската политика на Путин. 141 спрема 5, е резултатот од гласањето во Обединетите Нации. Светот никогаш не бил пообединет за некое прашање“, напиша Милевски.
Во коментар додаде: „Во Украина гинат неоправдано, во 21 век, дечиња, разделени од родители, разрушени домови, уништено детство и мирен живот. И се поради лудоста на еден човек-Путин. Ниедно друго прашање не е поважно од мирот и сигурноста на граѓаните“.
Тој објави и: „Либералите ширум Европа бараат руските амбасадори да се вратат кај Путин“.
